Túrkıanyń astanasy - Ankara qalasynda 22-27 maýsymda Túrki ulystarynyń YIII "2017 Turk Dili Yili" quryltaıy ótti. Sharanyń negizgi maqsaty – túbi bir túrki tilderiniń tarıhy men búgingi jaıyn, túrki ulystaryna ortaq muralardyń tildik erekshelikteri men tilderdi damytýdaǵy rólin zerdeleý.

Quryltaıǵa 33 memleketten 250 ǵalym qatysyp, túrki ádebıeti men tiliniń san túrli máselelerin qamtıtyn baıandamalar jasaldy, eldiń órkendeýindegi tildiń mańyzy, bolashaqtaǵy taǵdyry talqylandy. Qazirgi jaHandaný dáýirinde Túrki mádenıetiniń tereń tamyry men tiliniń derbestigin, tazalyǵyn saqtap qalýdyń joldary sóz boldy.

Túrki ulystarynyń YIII "2017 Turk Dili Yili" quryltaıyna Túrkıa eliniń Prezıdenti Redjép Taıı́p Erdoǵan kelip, quryltaıdyń mańyzy týraly aıtty, bolashaqtaǵy isteletin isterge baǵyt-baǵdar berdi. Sóziniń sońynda túrik Prezıdenti 10 ǵalymǵa "Túrki tiliniń damýyna úles qosqan ǵalym" halyqaralyq marapatyn saltanatty túrde tabystady. Bul marapatty Túrkıa, Germanıa, Qazaqstan, Ońtústik Koreıa, Ázirbaıjan jáne Qyrǵyzstan ǵalymdary aldy. Qazaqstannan osy marapatty fılologıa ǵylymdarynyń doktory, Abaı atyndaǵy Qazaq Ulttyq pedagogıkalyq ýnıversıtetiniń profesory Gúlbaný Qosymova ıemdendi. Bul bárimiz úshin úlken maqtanysh, jan tolqytarlyq sát boldy. Gúlbaný Qosymovanyń túrkologıa jáne tildiń tarıhy, sheshendik óner salasyndaǵy zertteýleri Qazaqstannan tys elderde, ásirese Túrkıada da belgili bolatyn.

Quryltaıǵa qatysýshylar Ankarada ótken túrki ǵalymdarynyń basqosýyna  jáne ony uıymdastyrǵan Halyqaralyq lıngvısıkalyq qoǵamǵa sheksiz rızashylyǵyn bildirdi.

Kenan Koch, Fılologıa ǵylymdarynyń doktory,profesor, qazaq tiliniń sheteldegi zertteýshisi