«Qazaq tili ǵylym men bilimniń, ınternettiń tiline aınaldy. Eshkim ózgerte almaıtyn bir aqıqat bar. Ol qazaq tili Máńgilik Eldiń - máńgilik tiline aınaldy. Til máselesin biz daýdyń emes, ulttyń uıytqysy úshin paıdalanýymyz kerek»

N. Á. Nazarbaev

Qashanda ekonomıka kimniń qolynda bolsa bılik te, mansap ta, sóz de sonyń qolynda. Qazaqstandaǵy bankterdiń aqparattyq menedjmentin qarap otyryp jaǵamdy ustadym. 4 kún buryn Turǵyn úı qurylys jınaq bankine baılanysty maqala jazdym. Maqalamdy qamshy.kz-te kóterilgen máseleniń oń sheshimin tabatyny týraly jaqsy jańalyqpen bastaıyn.

«Qamshy.kz» aqparat agenttiginde 26 mamyr kúni «QAZAQSTANNYŃ TURǴYN ÚI QURYLYS JINAQ BANKİ TEK ORYSTARǴA ARNALǴAN BA?» atty maqala jaryq kórgen bolatyn. Atalǵan maqala Turǵyn úı qurylys jınaq bankiniń memlekettik tilge nemquraıly qarap otyrǵanyn, bank tutynýshylarynyń ınternet betindegi «jeke kabınet» bólimi tek orys tilinde qyzmet etetinin másele etip kótergen edi.

Búgin «Qamshy.kz» redaksıasyna habarlasqan Banktiń baspasóz hatshysy Aıbar Oljaı resmı túsinikteme berdi. Ol óz sózinde «saıt kótergen máseleni bank basshylyǵy jaqsy syn retinde qabyldaǵanyn, osyǵan oraı naqty is-shara qabyldanǵanyn, 10 maýsymǵa deıin «Qazaqstannyń turǵyn úı qurylys jınaq banki» AQ saıtynda barlyq fýnksıalarǵa qazaq tili beti qosylatynyn» jetkizdi.  

Elbasy Nazarbaev 20 sáýirde zıalylarmen kezdesýinde Qazaqstan halqynyń 70 paıyzy qazaqtar ekenin aıtqan bolatyn. Statısıka komıteti bergen málimet te buny qýattaıdy. Endeshe Tutynýshylarynyń basym bóligi memlekettik tilde sóıleıtin bankterdiń basqa tildiń mártebesin ústem etip qoıýy da eshbir zańǵa sımaıdy. Bank qyzmetine júginbeıtin birde bir adam joq. Demek qoǵamnyń sóıleý tiline de barlyq bank yqpal etedi.

Bankter ishinde bas beti qazaqsha ashylatyndar úsheý ǵana:

http://qazaqbanki.kz/

http://nurbank.kz/

https://halykbank.kz/

Osy oraıda basqa bankterdi de memlekettik tildi qurmetteýge shaqyramyz. Atap aıtqanda tómendegi bankterdiń báriniń bas beti orys tilinde ashylady:

http://www.kaspibank.kz/

http://qazkom.kz/

https://www.bankrbk.kz

https://www.eubank.kz/

https://forte.bank/

http://www.altynbank.kz/

http://www.sberbank.kz/ru/individuals

https://homecredit.kz/

http://www.kzibank.kz/

https://www.tsb.kz/

https://www.bcc.kz/

http://www.vtb-bank.kz/

https://www.bankastana.kz/

https://www.atfbank.kz/

https://tengribank.kz/

http://www.deltabank.kz/

http://www.asiacreditbank.kz/

https://www.hcsbk.kz/

Call Center-lerine qońyraý shalsań mindetti túrde oryssha jaýap beretini taǵy bar... Eń soraqysy osy bankterge ıe bolyp otyrǵandardyń báriniń bılik ıerarhıasynyń eń joǵary satysyndaǵy adamdar ekendigi...

Aqan Bektas