Reseı prezıdenti Vladımır Pýtın Fransıa prezıdenti Makronmen kezdesýi barysynda knáz Iaroslavtyń qyzy Annany «orys» dep ataǵan.

Reseı men Fransıanyń arasyndaǵy baılanysty aıta kele, tarıhqa kóz júgirte otyryp bylaı dedi: «Bári orys knázi Iaroslav Mýdryıdyń kenje qyzy Annanyń Genrıh Birinshimen turmys qurýynan bastaldy. Ol kem degende eki koróldik dınastıa qurǵan, dınastıanyń biri Ispanıada búgingi tańǵa deıin basqaryp keledi».

Sheteldik BAQ-tyń habarlaýynsha, Pýtınniń bul aıtqany halyq arasynda syn týdyrdy. Joǵarǵy Radanyń birinshi vıse-spıkeri Irına Gerashenkonyń aıtýynsha, reseılikter úshin Rýs – Reseıdiń sınonımi, tipti olardyń kóbi Iaroslav Mýdryıdyń kıev knázi ekenin bilmeıdi de, al Anna Iaroslavqyzy fransýz koroli Genrıh I áıeli jáne Fransıa patshaıymy – onyń qyzy. Onyń Máskeýge esh qatysy joq.

Sondaı-aq, Gerashenko Reseı basshysynyń mundaı «shızofrenıasynyń» astarynda bir ǵana maqsat baryn aıtty. «Pýtın óz halyqynyń aldynda agresıa men ýkraın jerin jaýlap alýdy aqtap almaq».

Sholýshy: Gúlim Jaqan