Mıshel Makgo qarjy jýrnalısi bolyp júmys isteıdi jáne de ózgelerge únemi qarjyny únemdeý jóninde keńester aıtyp otyrady. Biraq ol buryndary aqshany ońdy-soldy jumsap otyrǵan eken.
Keıinnen ol biraz oılanyp aqshany tek qajetti dúnıelerge ǵana jumsaý kerek dep sheshken. Mıshel jańa zattardy satyp alýdan bas tartty. Sonymen birge úıde pisirilgen tamaqtardy jep, velosıpedpen júrýdi ádetke aınaldyrdy. Sóıtip ol 365 kúnniń ishinde 23 myń dollardy únemdedi
«Men aqshany kóp jumsaıtyn ádettegi adam edim. Aqshany ózińe kerek dúnıege jaratqan saıyn baqytty bolasyń degen ótirik jarnamaǵa senetinmin. Biraq men bulaı ómir súrýge bolmaıtynyn túsindim. Sosyn osy kemshiligimnen arylýǵa tyrystym, sodan zor nátıjege qol jetkizdim».,- deıdi Mıshel. Sonymen birge aqshany únemdeý úshin qandaı áreketterge barǵanyn bylaı dep baıandap berdi:
Ipoteka men komýnaldyq shyǵynǵa, ata-anama kómektesýge, ǵalamtor júıesine, uıaly telefonnyma, qaıyrymdylyqqa baılanysty aıyna 2000 dollar ǵana jumsadym. Sonymen birge shashtarazǵa baryp shash qıdyrmadym.
Al turmystyq zattarǵa men aptasyna 35 dollar jumsaǵan bolatynmyn. Men kınoteatrǵa, demalý úshin kafe men klýbtarǵa barýdan bas tartyp, tamaqty úıde pisirip jep júrýdi de ádetke aınaldyrdym.
Sonymen birge kosmetıka, jańa kıim alýdy da toqtattym. Tipti dalada jańbyr jaýyp tursa da avtobýqa mingen joqpyn.
Bir jyldyń ishinde men dámdi tamaq pisirýdi úırendim, buryndary tamaq pisirý qolymnan kelmeıtin. Bul meniń kezekti jeńisterimniń biri edi. Men tamaq pisirýdi úırengenimdi jeńis dep esepteımin.
Bastapqy kezde maǵan óte qıyn boldy. Biraq barlyǵyna shydadym, keıin úırenip kettim. Men únemdegen 23 000 dollar arqyly men ıpotekanyń bir bóligin tólep tastadym. Men aldaǵy ýaqytta dál osylaı únemdeımin dep aıta almaımyn, alaıda aqshamdy durystap jumsaýǵa tyrysamyn.
Bul oqıǵa ózgelerge sabaq bolady dep senemiz. Eger biz aqshany jónimen jumsaýdy úırensek kóp nársege qol jetkize alatynymyz shyndyq.
Daıyndaǵan: Ásel Óteshova
