Búgin Kabýl ortalyǵynda bolǵan joıqyn jarylystan Qazaqstannyń 2 azamaty jaralandy dep habarlaıdy Qamshy aqparattyq agenttigi 24.kz-ke silteme jasaı otyryp. Olar jarylys ornynan 500 metr qashyqtyqtaǵy qonaqúıde bolǵan. Jaralanǵan otandasymyzdyń biri basynan, al ekinshisi aıaǵynan jaralanǵan. Olar - 1982, 1991 jyly týǵan azamattar.
Qazir olarǵa alǵashqy medısınalyq járdem kórsetildi. Qazaqstandyq dıplomattar otandastarymyzben tyǵyz baılanys ornatyp, qajetti kómek berýde. Sonymen qatar jarylys ortalyǵynan 2 shaqyrym jerde ornalasqan Kabýldaǵy Qazaqstan elshiliginiń ǵımaratyna da zaqym kelgen.
«Qazirgi kezde dıplomattar japa shekkenderdiń arasynda basqa qazaqstandyqtardyń bar-joǵyn anyqtaýǵa kirisken. Qala oqshaýlandy. Aýǵanstan astanasyndaǵy barlyq otandastarymyzdy abaı bolýǵa, týǵandary men jaqyndaryna jaǵdaıy týraly habarlap otyrýǵa shaqyramyz. Qajet bolǵan jaǵdaıda Aýǵanstandaǵy Qazaqstan elshiligimen baılanysqa shyǵýlaryn suraımyz», - deıdi QR SİM baspasóz qyzmetiniń basshysy Ánýar Jaınaqov habarlaıdy.
Sholýshy: Ásel Óteshova
