Qazaqstannyń halyq ártisi Tuńǵyshbaı Jamanqulovqa úkim oqyldy dep habarlaıdy Qamshy aqparattyq agenttigi.
Sot prokýror suraǵandaı jaza taǵaıyndady.
№2 Medeý aýdandyq sotynda prokýror Tuńǵyshbaı Jamanqulovty 7 jyl 6 aıǵa sottaýdy, biraq Qazaqstan táýelsizdiginiń 25 jyldyǵyna oraı jarıalanǵan raqymshylyq boıynsha jaza merzimin 3 jyl 7 aıǵa azaıtýdy jáne jasy jetkenin eskerip shartty jaza kesýdi suraǵan edi.
Sottaǵy aqtyq sózinde Jamanqulov «Ómirimniń osy shaǵynda mundaı jaǵdaıǵa túsemin dep oılamappyn. Bar oıym tek jaqsy fılm túsirý ǵana boldy. Men aqsha jumsaýmen múlde aınalyspadym. Men prodúser boldym. Prodúser degenimiz ıdeıalyq jaǵynan jumyldyrýshy adam. Osy jerde otyrǵan meniń tobymda Iýdınadan basqa eshkim meni aqsha aldy degen joq. Men - aqpyn. Ony sizdiń aldyńyzda, qudaıdyń aldynda aıta alamyn», - degen.
Aıta ketsek Jamanqulov Kórkem fılm túsirýge bólingen 69 mıllıon teńge qarajatty jymqyrdy degen kúdikpen jarty jyl buryn ustalǵan bolatyn. Onymen qosa «Fenıks» fılmi tóńiregindegi daýdan rejıser Talǵad Jánibekov, "Fenıks" fılminiń atqarýshy prodúseri Natalá Iýdına, Qazaqfılm" AQ ekonomıka jáne qarjy jónindegi atqarýshy dırektory Gaýhar Ysqaqova, kartına redaktory Gızat Sultanov, jeke kásipker Ilá Korobeınıkov, kartınanyń ekinshi rejıseri Bıjan Ábishev, "Fenıks" fılminiń daıyndyǵy kezinde túsirilim tobyn basqarǵan dırektor Marlen Ábishev, JSHS ókili Danıar Maratuly Ábdiqadyrovter sotqa tartylǵan.
Sot Natalá Iýdınany kináli dep taýyp 7 jylǵa bas bostandyǵynyn shartty túrde aıyrdy. QR Táýelsizdigine 25 jyl tolýyna oraı jarıalanǵan raqymshylyq boıynsha jaza merzimin 5 jylǵa qysqartty. Bes jyl boıy memlekettik qyzmet organdarynda basshylyq qyzmet atqara almaıdy.
Talǵad Jánibekovti sot kináli dep taýyp 7 jylǵa bas bostandyǵynyn shartty túrde aıyrdy. Talǵad Jánibekov 5 jyl memlekettik qyzmet organdarynda basshylyq qyzmet atqara almaıdy.
