1 maýsymda Aqtóbeniń Sazdy ózeninde úsh jasóspirim sýǵa batyp ketti. Oqıǵa 12-shi yqshamaýdandaǵy "Nur ǵasyr" meshitiniń mańynda bolǵan dep jazady tengrinews.kz. Qaıǵyly oqıǵa qalanyń ortalyǵynda jurttyń kóz aldynda bolǵan. Vedomstvo ata-analardan balalaryn qaraýsyz qaldyrmaýdy jáne osy mysaldy keltire otyryp, shomylýǵa bolmaıtyn jerlerde sýǵa túsýge ruqsat etilmeınin túsindirýdi surap otyr.

"Aqtóbe turǵyndary men qonaqtaryn kúnniń jylynýyna qaramastan, sýdyń áli de jylynbaǵanyn, sondyqtan dene tartylyp qalatynyn oılaýǵa shaqyramyz. Balalar eresekterdiń baqylaýynda ǵana shomylýy tıis. Olardy kózden mınýtqa bolsa da tasada qaldyrmaý kerek. Sýǵa tek 25°S temperatýrasynda ǵana túsýge bolady", - delingen habarlamada.  Al zello.aktobe jáne aktobe_zello paraqshalarynda qaıǵyly oqıǵanyń sýretteri men vıdeolary taraldy.