Bul týraly búgin OQK ótken baspasóz máslıhatynda Qazkontent AQ basshysynyń orynbasary Dosymbek Óteǵalıev málimdedi, dep habarlaıdy baq.kz.
«Qazkontent" AQ bul sharany uıymdastyrýshy bolǵanymen, syrttan qoǵam jáne memleket qaıratkerleri tarapynan, belgili kásibı jýrnalıs mamandar tarapynan arnaıy qazylar alqasy quryldy. Qazirgi qazaq jýrnalısıkasyn, sonyń ishinde radıojýrnalısıkany zerttep júrgen ǵalym Namazaly Omashuly qazylar alqasyn bastap otyr. Belgili memleket jáne qoǵam qaıratkeri Myrzataı Joldasbekov jáne EUÝ-diń «Jýrnalısıka jáne saıasat taný» fakúltetiniń dekany Qaırat Saq ta osy qazylar alqasynyń quramynda» - deıdi Dosymbek Qonysbekuly.
Sonymen qatar bul quramda qoǵam qaıratkeri Murat Ábenov, saıasattanýshy Rasýl Jumaly, "Qazaqstan - 2050" jalpy ulttyq qozǵalysy keńesiniń tóraǵasy Muhtar Mankeev, "Nur Otan" partıasy saıası-taldaý jáne strategıalyq zertteýler ortalyǵynyń dırektory Iýlıa Kýchınskaıa, "Qoǵamdyq kelisim" respýblıkalyq memlekettik mekemesiniń dırektory, belgili jýrnalıs Aleksandr Tarakov, "Aımaqtyq BAQ" alánsynyń jetekshisi, "Almaty" telearnasynyń basshysy Álibek Áldeneı, belgili jýrnalıs Beısen Quranbek, "Atameken" UKP "Agrobiliktilik" ortalyǵyna qarasty "Farmers.kz" portalynyń jetekshisi Meıramhan Jápek, ádebıettanýshy, synshy Amangeldi Keńshilikuly qatarly 13 adam bar.
Qazylar alqasy ózderine berilgen quqyqty paıdalana otyryp, 15 nomınasıadan 15 úzdikti anyqtaýǵa mindetti. Júlde qory 15 mln teńge, ıaǵnı ár nomınasıanyń úzdigine 1 mln teńgeden beriledi.
Esterińizde bolsa, QR AKM radıo jáne baspasóz ben ınternette salasyndaǵy jýrnalıser arasynda "Úrker" tuńǵysh ulttyq syılyǵyn jarıalaǵan bolatyn.
