Mendı Koýı Brıtanıada járdemaqynyń patshaıymy sanalady. Jaqynda ol óziniń 50 nemere qalaıtynyn málimdedi. 50 nemeresi bolsa memleket qarajatynan tolyqqandy ómir súrýge múmkindik alady eken. Mendı 49 jasta.  Búginde ol  10 balanyń anasy. 10 balany 5 kúıeýinen týǵan.

Sońǵy 30 jyldyń kóleminde Koýı járdemaqynyń esebinen ómir súrýde jáne óz balalaryn da dál solaı ómir súrýge úgitteıdi eken. Qazirgi tańda memleketten jylyna 34 myń dollar alyp otyrady. Onyń 3 myń dollary denesinedei tatýırovkalaryna jumsaıdy.

Mendı óziniń tuńǵyshyn 18 jasynda bosanǵan. Al 10-shy balasyn 36 jasynda dúnıege ákelgen. Kún saıyn balalaryna 50 nemereli bolýdy qalaıtynyn aıtyp otyrady.

Búginde áıeldiń 16 nemeresi bar. Brıtanıanyń telearnalarynan Ulybrıtanıadaǵy memleket bóletin járdem aqymen ómir súretin eń úlken otbasy retinde kórsetedi.

Mendı óziniń 13 jastaǵy qyzyna ózin jaqsy ustaǵan kezde temeki satyp alyp beretinin de jasyrmady. Onymen qosa qyzyn spırtti ishimdikten shektemeıdi eken.

Kópshiliktiń pikiri áıeldi oılandyrmaıdy. Ol ózi durys sanaǵan dúnıelermen aınalysady. Járdemaqyǵa ómir súrýiniń birden-bir sebebi, balalaryna kóp kóńil bólýi. Balalaryn josparlamaǵanyn , olardyń reti solaı bolyp qalǵanyn aıtty.

«Men dál qazir jylyna alyp otyrǵan qarjydan kóbirek aqsha tabatyn jumys taba almasym anyq. Adamdar meni sógip jatady, biraq múmkindikteri bolsa menimen oryn aýystyrýshy edi» , -deıdi Mendı.

Úsh bala anasymen birge turady, jeteýi- bólek. Qazir Mendı óziniń múgedek balasyna qalaı járdem aqsha alýdy oılastyrýda.

Krıstal esimdi 24 jastaǵy qyzy anasynyń jolyn qýǵan. Kúıeýimen nekeni buzǵan jáne aralarynda bala da bar. Kúıeýi ekeýi áli de birge, biraq bólek úıde turady eken. «Eger biz qaıta otbasyn quratyn bolsaq keıbir qarjydan qaǵylamyz. Ondaı jaǵdaıda bizdiń kúnkórisimiz tómendep ketedi»,-dep málimdedi Krıstal.

Brıtanıa basshylyǵy jylyna 201 mıllıon dollar qarjyny 27 myń jarly otbasylarǵa tóleıdi.

Sholýshy: Aıgerim TAÝBAI