Habarovsk turǵyny asyrap alǵan balalaryn birneshe jyldar boıy zorlap kelgen. Olardyń otbasynda 9 bala tárbıelengen, dep habarlaıdy Qamshy aqparattyq agenttigi Dni.ru saıtyna silteme jasap.

Reseılik tergeý komıtetiniń deregine sáıkes, er adam balalardy aıaýsyz zorlap, óte aýyr qylmysqa barǵan. Eń soraqysy bul jaǵdaı 2012 jyldyń qyrkúıeginen bastap 2017 jylǵa deıin jalǵasyp kelgen. Kúdiktige qatysty «Zorlaý» babymen qylmystyq is qozǵalyp, tutqyndaldy.

«Ol atalǵan ýaqyt aralyǵynda balalardy 729 ret zorlaǵan», - dep málimdedi quzyrly organ ókilderi.

«Qoldaǵy derekterge sáıkes, olar barlyǵy bir páterde turǵan. Al jetim balalrǵa kómek retinde beriletin qarjyǵa basqa páter jaldap, sol jerde qyzdardy zorlaǵan», - deıdi tergeý komıtetiniń tóraǵasy Igor Komısarov. Bul otbasy kóp balaly januıaǵa jatqany belgili. Asyrap alǵan balalardan bólek bul otbasylyq juptyń ózderiniń de balalary bolǵan, jalpy sany – 9 bala.

«Qazirgi tańda balalar qaıtadan jetimder úıine jiberildi. Barlyq kerekti sharalar qoldanylyp, zábir kórgen búldirshindermen arnaıy psıholog mamandar jumys isteýde», - dep málimdedi bala asyrap alý basshylyǵynyń dırektory Tatána Jıgareva.

Shoýlshy: Nazerke Labıhan