Ortalyq komýnıkasıalar qyzmetinde «Nazarbaev Ýnıversıteti» DBU Inovasıalar jáne ǵylym jónindegi vıse-prezıdenti Qanat Ábdýálıuly Baıǵarınniń qatysýymen baspasóz máslıhaty ótti dep habarlaıdy Qamshy aqparattyq agenttigi.

Spıkerdiń sózinshe Ýnıversıtet óziniń ǵylymı jáne ınovasıalyq áleýetin damytý jumystaryn júzege asyrýda. «Nazarbaev Ýnıversıteti bazasynda Astana Business Campus Inovasıalyq klasteri quryldy, ol «Ult jospary – 100 naqty qadam»  baǵdarlamasynyń 63-shi qadamyna sáıkes  elimizdiń ǵylymdy qajetsinetin  ekonomıkasyn qalyptastyrýǵa negiz bolady» dedi Qanat Baıǵarın. 

«Nazarbaev Ýnıversıteti» DBU Inovasıalar jáne ǵylym jónindegi vıse-prezıdenti Qanat Ábdýálıuly Inovasıalyq klasterdiń maqsatyna toqtalyp ótti. «Ol ozyq tehnologıalar men jobalardy transfertteý jáne komersıalandyrý úshin ǵylymı-zertteý jáne ınovasıalyq qyzmet sýbektilerin biriktirý, sondaı-aq Qazaqstanda ınovasıalyq kásipkerlikti damytý úshin alańdar qurý bolyp tabylady» dedi spıker.

Qanat Baıǵarınniń málimetinshe búgingi tańda Astana Business Campus Inovasıalyq klasteriniń bazasynda Komersıalandyrý ofısin, Tehnoparkti jáne Bıznes Inkýbatordy qamtıtyn jobalardy komersıalandyrý júıesi quryldy. «Osy júıe  ınovasıalyq jobalardy iske asyrýǵa jáne naryqqa shyǵý jolyn qamtamasyz etýge múmkindik beredi», - dep atap ótti «Nazarbaev Ýnıversıteti» DBU Inovasıalar jáne ǵylym jónindegi vıse-prezıdenti Qanat Baıǵarın.

 «Nazarbaev Ýnıversıti» DBU Inovasıalardy damytý departamentiniń aǵa menedjeri Damel Mektepbaeva Astana Business Campus Ǵylym parki quramdas elementteriniń biri bolyp tabylatyn Bıomedısınalyq klaster týraly aıtyp berdi. «Bıomedısınalyq klaster zıatkerlik, qarjylyq jáne materıaldyq-tehnıkalyq resýrstardy tıimdi paıdalaný esebinen bıomedısınalyq zertteýlerdi  komersıalandyrý men joǵary tehnologıaly bıznesti damytý úshin qolaıly jaǵdaılar jasaýǵa baǵyttalǵan  ınovasıalyq ekojúıe bolyp tabylady» dedi spıker.