27 maýsym kúni aýqymdy túrde energetıkalyq, aqparattyq kompanıalarǵa jáne de birneshe elderdiń memlekettik qyzmetkerlerine vırýstyq shabýyl jasaldy, dep habarlaıdy Qamshy aqparattyq agenttigi.

Birinshi kezekte, vırýstyq shabýyl Ýkraına eliniń memlekettik qyzmet ornyndaǵy kompúterlerge, olardyń bank júıelerine, sonymen qatar Chernobl aımaǵyndaǵy bank serverine jasalǵan. Hakerlerdiń shabýyldaryna myna 10 memleket ilikti: Ýkraına, Italıa, Izraıl, Serbıa, Vengrıa, Rýmynıa, Polsha, Argentına, Chehıa men Germanıa.

Derekterge sáıkes, vırýstar fıshıng elektrondy hattar nemese WannaCry ádisimen Double Pulsar Eternal Blue lokaldy jelileri arqyly taralǵan.

Taralǵan vırýstar kompúterlerdi qulyptap, olardan $300 qarajatty talap etedi eken. Qazaqstan Respýblıkasy aýmaǵyna mundaı vırýstardy jibermeý úshin saıt betteri men áleýmettik jelilerde habarlandyrýlar taralǵan. Sonymen qatar AQ «NIT» pen Astana EKSPO-2017 baılanys operatorlaryna eskertildi.

Usynys qyzmeti 1024-1035 TSR porttaryn jabý men Server Message Block jeoisindegi derekterdi berý hattamasyn jabýdan turady. Sonymen qatar shıfrleýshi paıdalanatyn algorıtm osaldyǵyn jabatyn MS17-010 jańartý baǵdarlamasyn júktep alý usynylady. 

Zaqymdanǵan jaǵdaıda kompúterdi óshirmeı qurylǵyny ınternetten óshirý úshin gıbernasıa rejımine qosý qajet. 

Qazaqstan Respýblıkasy aımaǵynda kompúterlerdiń zaqymdanǵany jaıly aqparat Mınıstrlikke nemese vedimistik baǵyttaǵy uıymdarǵa kelip túsken joq.

Qazirgi tańda ınternetke kirý úshin bir shlúzge qosylǵan memlekettik qyzmetkerlerdiń kompúterlerin qorǵaý isi qolǵa alyndy.

Sholýshy: Nazerke Labıhan