2017 jyldyń 28 maýsym jáne 8 shilde aralyǵynda «Qazaqstan» RTRK» AQ televızıalyq jobalar boıynsha ótinimder qabyldaıdy dep habarlaıdy Qamshy aqparattyq agenttigi.  

Baǵdarlamalar taqyryby: estrada juldyzdarynyń qatysýymen ótetin konserttik-mýzykalyq joba, relıtı-shoý jáne balalarǵa arnalǵan tanymdyq-oıyn-saýyqtyq baǵdarlama.

Uzaqtyǵy 90 mınýtty quraıtyn estrada juldyzdarynyń qatysýymen ótetin konserttik-mýzykalyq joba efırge aptasyna 1 ret shyǵady.

Uzaqtyǵy 60 mınýtty quraıtyn realıtı-shoý efırge aptasyna 2 ret, ıaǵnı senbi jáne jeksenbi kúnderi shyǵady.

Uzaqtyǵy 30 mınýtty quraıtyn balalarǵa arnalǵan tanymdyq-oıyn-saýyqtyq baǵdarlama efırge aptasyna 1 ret, ıaǵnı senbi kúnderi shyǵady.

Baıqaýǵa portfolıosy bar, buǵan deıin túrli janrda baǵdarlamalar túsirgen, sapasy joǵary joba daıyndaı alatyn prodúserlik ortalyqtar men stýdıalar  qatystyrylady.  

Baıqaýǵa Power point formatynda memlekettik jáne orys tilderinde daıyndalǵan slaıdtar, jobanyń smetasy jáne tólqujaty qabyldanady. Onda baǵdarlamanyń uzaqtyǵy, shyǵý merzimi, maqsaty men mindeti, qurylymy tolyq jazylýy kerek. Sonymen qatar, baǵdarlamanyń sınopsısi nemese jobanyń senarlyq jobasy tapsyrylady jáne mindetti túrde tómende kórsetilgen ótinim toltyrylýy qajet.

Ótinimder Astana q., Qonaev kósh., 4, «Qazaqstan» telearnasy (14 qabat) meken-jaıy boıynsha nemese qazaqstantvk@gmail.com  elektrondyq poshta arqyly  qabyldanady.

Qosymsha aqparatty 8 (7172) 55-38-66 telefon nómiri boıynsha Aıgerim Meıramovadan alýǵa bolady.