2017 jylǵy 29 maýsymda Qazaqstan Respýblıkasy Ortalyq saılaý komısıasy otyrys barysynda 2017 jylǵy 28 maýsymǵa bolǵan QR Parlamenti Senatynyń depýtattaryn saılaý qorytyndylaryn anyqtady dep habarlaıdy Qamshy aqparattyq agenttigi.

Saılaý Qazaqstan Respýblıkasy Prezıdentiniń 2017 jylǵy 28 sáýirdegi Jarlyǵyna, QR Konstıtýsıasyna jáne «Qazaqstan Respýblıkasyndaǵy saılaý týraly» Konstıtýsıalyq zańyna sáıkes júrgizildi.

Ár oblystan, Astana jáne Almaty qalalarynan bir depýtattan barlyǵy 16 depýtat saılandy.

Qazaqstan Respýblıkasy Ortalyq saılaý komısıasy oblystyq, Astana jáne Almaty qalalyq saılaý komısıalarynyń saılaý boıynsha daýystardy sanaýdyń qorytyndy hattamalary negizinde Qazaqstan Respýblıkasynyń 14 oblysynda, Astana jáne Almaty qalalarynda QR Parlamenti Senatynyń depýtattaryn saılaý ótti dep habarlaıdy.

Saılaý naýqany barysynda barlyǵy 89 úmitker usynyldy. 38 kandıdat saılaý búletenderine engizildi.  Saılaýǵa 3242 tańdaýshy qatysty.

QR Parlamenti Senatynyń depýtattaryn saılaý barysynda 518 halyqaralyq jáne otandyq baıqaýshy, 244 qazaqstandyq jáne sheteldik BAQ ókili qatysty.

Saılanǵan depýttardyń 7-n  máslıhattar usynsa, 9 ózin-ózi usynǵandar. QR Parlamenti Senatynyń depýtattyǵyna kandıdattardyń ortasha jasy –56,7 jas.

Qazaqstan Respýblıkasy Parlamenti Senatynyń depýtattaryn saılaý qorytyndysy boıynsha saılanǵandar (www.election.gov.kz saıtyndaǵy jeke paraqshaǵa silteme):

Aqmola oblysynan - Ádilbekov Dáýren Zekenuly;

Aqtóbe oblysynan - Jumaǵazıev Muhtar Sabyruly;

Almaty oblysynan - Qylyshbaev Nurlan Naýryzuly; 

Atyraý oblysynan - Dúısembaev Ǵumar Islámuly;

Batys Qazaqstan oblysynan - Tóreǵalıev Narıman;

Jambyl oblysynan - Nurálıev Ábdáli Toqbergenuly;

Qaraǵandy oblysynan - Ábdikerov Rysqalı;

Qostanaı oblysynan - Nurǵalıev Jeńis Mırasuly;

Qyzylorda oblysynan - Baqtıaruly Murat;

Mańǵystaý oblysynan - Shelpekov Baqtybaı Aqberdiuly;

Ońtústik Qazaqstan oblysynan - Qurtaev Álimjan Seıitjanuly;

Pavlodar oblysynan - Nursıpatov Nurjan Nurlanbekuly;

Soltústik Qazaqstan oblysynan - Sultanov Erik Hamzauly;

Shyǵys Qazaqstan oblysynan - Mýsın Dúısenǵazy Maǵaýıauly;

Astana qalasynan - Mamytbekov Edil Qulamqadyruly;

Almaty qalasynan - Núketaeva Dınar Júsipáliqyzy.

Saılaý komısıalary qajetti uıymdastyrýshylyq is-sharalardy  saılaý zańnamasynda belgilengen barlyq rásimderdi saqtaı otyryp,  júrgizdi.

Sholýshy: Ásem Álmuhanbet