Erteń shirkin demalys dep qýanyp.
Uıqy qashyp,bet júzderi nurlanyp. 
Tez-tez istep jumystaǵy tirlikti.
Úıge qaraı umtylatyn urlanyp.
Tań atady,keldi senbi úıdesiń.
Tamasha bir sezimdesiń kúıdesiń.
Mýzykany qosyp qoıyp júresiń.
Bes kún boıy bolmaǵandaı úıde shyn.
Túski tamaq iship alyp bastaısyń.
Bul sózimdi qup alasyń rastaısyń.
Shelegińe sý quıyp-ap bólmelerdi.
Aınadaı ǵyp súrtip,jınap tastaısyń.
Kún ystyq pa,sýyǵyna qaramaı.
Jorta basyp bazar jaqqa ketesiń.
Qaı jer arzan,qaı jer qymbat aralaı.
Eki paket toly úıge jetesiń.
Osy menen keshte batyp qalady.
Jańa oılar túrtkileıdi sanańdy.
Tamaǵyńnyń astyn jaılap qyzdyryp.
Jýyndyryp ta alasyń balańdy.
Bir ýaqytta damyldamaı júresiń.
Demalysym osy ma dep kúlesiń.
Bile tura osylaı óterine, 
Demalysty sen saǵyna kútesiń. 
Tań atady, keldi mine jeksenbi, 
Ózge sezim basyp turar eńseńdi. 
Teledıdar kórýge de otyrsań, 
Tirlikteriń kútip qalar belsendi. 
Kir jýýdyń kirisesiń qamyna, 
Qara terge túsesiń-aý malyna. 
Arasynda esh sebepsiz aıqaılap, 
Jiberesiń úıde júrgen shalyńa. 
Aıǵaıyńa aıǵaı qosyp kúıeýiń, 
Nege sonsha ashýlanyp júrsiń dep. 
Bizden osy almasańshy óshińdi, 
Bul ózińniń kúndelikti isiń dep. 
Kir jýylyp bolǵannan soń jaıasyń, 
Kún jylyda tez-tez endi kepsin dep. 
Osy sátte tórkin jaqty oılaısyń, 
Armandaısyń sol bir jaqqa ketkiń kep. 
Bul jaı arman bilesiń ǵoı ózińde, 
Ótirik joq ashyp aıtsam sózimde. 
Áıelder-aý myqty jandar negizi, 
Eń birinshi erik berer tózimge. 
Sodan keıin kiresiń asqanaǵa, 
Qandaı tamaq jasaý kerek oı mazańda. 
Qoı bir ystyq sorpa isheıik deısiń daǵy, 
Salynady saqyrlaǵan et qazanǵa. 
Keı kezderde qonaq kelip qalady, 
Dastarhany jaıqalady tolady. 
Óıtkeni baǵanaǵy paketterdiń bireýinde, 
Qonaqqa degen táttileri bolady. 
Toılardan da qalmaýǵa tyrysatyn, 
Ertip alyp barlyq bala-shaǵasyn. 
Kóıleginde kıip alyp jarasatyn, 
Barlyǵyna ýaqyt taýyp barasyń. 
Kepse kirler rettep ony alasyńda, 
Útikteısiń, óz ornyna jınaısyń. 
Úı-ishimen kúlip, oınap arasynda, 
Sharshasańda ezýińdi jımaısyń. 
Mine osylaı taǵy keshte batady, 
Lezde deısiń keshtiń osy batary. 
Tisti shuqyp etten keıin ysyldap, 
Terlep taǵy shaı ishilip jatady. 
Oqysańyz óleńimdi shoshynbaı, 
Kete almassyz sózderime qosylmaı. 
Demalysy jumys kúnge uksaıtyn, 
Áıelderdiń demalysy osyndaı! 
Úı ishine arnaıtyn demalysyn, 
Áıelder ǵoı biler istiń durysyn. 
Sharshap endi shyrt uıqyǵa ketesiń, 
Óıtkeni erteń kútip tur óz jumysyń!

Erlan Júzeev