Kúni keshe «Sán jáne dızaın» kolejinde oryn alǵan apattan túrli dene jaraqattaryn alǵan 12 stýdenttiń 5-niń jaǵdaıy tym aýyr»-dep habarlaıdy Zakon.kz. Oqıǵa oryn alǵan jerden qalalyq aýrýhanaǵa jedel-járdem kóligimen 11 stýdent jetkizilgen. Óz densaýlyǵyna kúdikpen qaraǵan 1 stýdent keıinnen dárigerler kómegine júgingen. Qazir 5 stýdenttiń jaǵdaıy aýyr halde. 2 stýdentke ota jasalyp, olar qazir jan saqtaý bóliminde, qalǵan 3 stýdentke ota endi jasalatyndyǵy málimdelip, otadan soń olarda jan saqtaý bólimine jatqyzylatyndyǵyn habarlady. Qalǵan 7 stýdentke jaralaryn tańyp, túrli medısınalyq kómekter kórsetilýde. Qalalyq densaýlyq saqtaý bóliminiń basshysy Manas Ramazanovtyń málimdeýinshe qalǵan 7 stýdent «jeńil» kontýzıa alǵan. Aldaǵy ýaqytta japa shekken stýdenttermen lor, nevropologtar jumys isteıdi. Qazirge ýaqytta ata-analarymen qosa psıhologtardyń nazarynda. Almaty polısıa bólimshesń oqıǵaǵa baılanysty 2 birdeı qylmystyq is qozǵady. QR Qylmystyq kodekstiń  251 tarmaǵy boıynsha(zańsyz qarýdy qoldaný, saqtaý tasymaldaý), ekinshi túri 101 tarmaǵy boıynsha (abaısyzda kisi óltirip alý) qarastyralady. Al AÁD (Alǵashqy áskerı daıyndyq) pániniń oqytýshysyn ýaqytsha bir táýlikke qamaýǵa alynyp, tergeý amaldary júrgizilýde. Qala ákimi Ahmetjan Esimov myrza barlyq oqý oryndaryndaǵy atalmysh pánge qatysty «atys quraldaryn, oq-dárilerdi» tekseristen ótkizip, olardyń pán negizinde tutynýǵa tyıym salatynyn aıtty. Bul degenińiz, osy kúnge deıin áskerı daıyndyqta shyn atys qarýlary qoldanylyp keledi degendi bildirmeı me? A.Esimov qaza bolǵan stýdent pen qalǵan japa shekken stýdentterge materıaldyq turǵydan kómek kórsetetinin jetkizdi.

Orynbasar Baqytbek