QR Premer-mınıstri Baqytjan Saǵyntaevtyń tóraǵalyǵymen ótken Úkimet otyrysynda «Nurly jer» turǵyn úı qurylysy baǵdarlamasyn iske asyrýdyń aralyq qorytynylary qaraldy, dep habarlaıdy Qamshy.kz aqparat agenttigi Premer-mınıstrdiń resmı saıtyna silteme jasap.
QR ınvestısıalar jáne damý mınıstri Jeńis Qasymbek baıandaǵandaı, «Nurly jer» baǵdarlamasyn iske asyrý halyq úshin turǵyn úıdiń qoljetimdiligin qamtamasyz etý maqsatynda bıyl bastaldy. Baǵdarlama bes baǵyttan turady: halyqtyń áleýmettik jaǵynan osal toptary úshin jalǵa beriletin turǵyn úı salý; jeke turǵyn úı qurylysyn damytý; turǵyn úı qurylys jınaqtary júıesi arqyly ótkiziletin nesıelik turǵyn úı salý; jeke qurylys salýshylardy turǵyn úı salýǵa yntalandyrý; ıpotekalyq kredıt berýdiń qoljetimdiligin arttyrý.
QR IDM málimetinshe, birinshi jartyjyldyqta barlyq kózder esebinen 5,5 mln sh. m. (josparǵa 54%) nemese 47,7 myń páter men úı paıdalanýǵa berildi, bul 2016 jyldyń osy kezeńinen 11% joǵary. Memlekettik qarajat esebinen «Nurly jer» baǵdarlamasy aıasynda 7,3 myń páter paıdalanýǵa berildi.
Baǵdarlamanyń tórt baǵytyn iske asyrý týraly «Báıterek» holdıńiniń basqarma tóraǵasy E. Dosaev baıandady. Óńirlerdegi jaǵdaı týraly Soltústik Qazaqstan jáne Pavlodar oblystarynyń ákimderi Q. Aqsaqalov pen B. Baqaýov baıandama jasady.
Máseleni qaraýdy qorytyndylaı kele, QR Premer-Mınıstri Baqytjan Saǵyntaev QR Investısıalar jáne damý mınıstrligi men «Báıterek» holdıńine halyqtyń qajettilikteri men azamattardyń ony satyp alýǵa daıyndyǵyn eskere otyryp, bólinetin qarajatty jáne turǵyn úı qurylysy kólemin josparlaýdy baqylaýǵa alýdy tapsyrdy.
Memleket basshysynyń tapsyrmasy boıynsha, «Nurly jer» baǵdarlamasyn iske asyrý aıasynda bólinetin qarajatty maqsatty jumsaýdy qamtamasyz etý jáne jeke qurylys salýshylardy tartý boıynsha jumysty kúsheıtý qajet.
Oblys ákimdikterine «Nurly jer» baǵdarlamasynyń barlyq baǵyttary boıynsha jumysty jandandyrý, jappaı qurylys salatyn jerlerdi aldyn ala anyqtaý jáne taıaý jyldarǵa turǵyn úıdi paıdalanýǵa berý josparlarynda qarastyrylǵan kólemde jobalyq-smetalyq qujattama jasaýǵa jergilikti búdjetten ýaqytyly qarajat bólýdi qamtamasyz etý tapsyryldy.
