Ortalyq komýnıkasıalar qyzmetinde ótken baspasóz-konferensıasynda İshki İster mınıstrligi Tótenshe jaǵdaılar komıtetiniń resmı ókili Rýslan Imanqulov Shyǵys Qazaqstan oblysyndaǵy jaǵdaıdy baıandap berdi dep habarlaıdy Qamshy.kz aqparat agenttigi.    

17 shilde kúni Shyǵys Qazaqstan oblysyndaǵy kúsheıtilgen jeldiń saldarynan 5 adam zardap shekken. «Kazgıdromettiń málimetine sáıkes, sol táýlikte jeldiń ekpini sekýndyna 15-20 metrdi qurap, jaýyn-shashyn kútilýde degen aqparat taratylǵan. Alaıda tabıǵattyń tosyn minezi boljamǵa baǵynbaı, jeldiń ekpini sekýndyna 35 metrdi quraǵan. Zardap shekken 5 adamnyń úsheýi túrli jaraqatpen aýrýhanaǵa jetkizildi. Ekeýi medısına qyzmetkerlerine qaralyp, úılerine jiberildi. Tótenshe jaǵdaı Óskemen qalasy jáne qalaǵa jaqyn úsh aýdanda oryn alǵan. Olardyń ishinde Ulan aýdany men Glýbokovskoe jáne jergilikti aýyldary bar»,- dedi İshki İster mınıstrligi Tótenshe jaǵdaılar komıtetiniń resmı ókili Rýslan Imanqulov.

Tabıǵat qubylysy qaıtalanǵan jaǵdaıda QR İİM Tótenshe jaǵdaılar komıtetiniń qutqarý qyzmeti respýblıka boıynsha jumys isteıdi. SHQO tabıǵat saldarynan zardab shekkenderge ákimshilik tarapynan kómek qarastyrylýda.