Almatyda birinshi jartyjyldyqta ekonomıkanyń barlyq salasynda ósim baıqaldy, dep habarlaıdy Qamshy.kz aqparat agenttigi. Bul jaıynda Almaty qalasynyń ákimdigi málimdedi.

"2016 jyly óńirlik jalpy ónim 2,6% nemese 10,3 trln. teńgeni qurady. Ústimizdegi jyldyń 6 aıy ishinde ekonomıkanyń barlyq salalarynda ósim baıqalady: bólshek saýda 6,8%-ǵa, kóterme saýda 0,7%-ǵa, ónerkásip 4,7%-ǵa, qurylys 0,7%-ǵa, baılanys 4,9%-ǵa, aýylsharýashylyǵy 62,8%-ǵa artqan. Turǵyn úı salý 15,6%-ǵa, ınvestısıa kólemi 235,7 mlrd. teńgege ósip, 12,2%-ǵa ulǵaıǵan. Inflásıa 3,6%-dy, respýblıkada 3,7%.quraıdy", - delingen habarlamada.

Qalada jumys isteıtin SHOB sýbektileriniń sany 171,5 myń jáne olardyń qatary ótken jylmen salystyrǵanda 5%-ǵa ósken. Qalada salyq túsimi de molaıǵan. Respýblıkalyq búdjetke 645,2 mlrd. teńge túsken, bul ótken jyldyń osy kezeńimen salystyrǵanda 9%-ǵa (51,1 mlrd. teńge) kóp. Jergilikti búdjetke 184,2 mlrd. teńge salyq quıylǵan, 9%-ǵa (15,2 mlrd. teńge) kóp. Turaqtylyq jaǵdaıynda qalada jyl aıaǵyna deıin ósim deńgeıi artady dep kútilýde.

Jalpy, 2017 jylǵy qala búdjeti 542,4 mlrd. teńgeni quraıdy. Ótken jyly únemdeýdiń arqasynda jergilikti búdjet 33 mlrd. teńgege nemese 50%-ǵa artty. Ótken jylmen salystyrǵanda joldardy jóndeý men qurylys salýǵa 2,8 ese, al ınjenerlik jelilerge 1,9 ese, abattandyrýǵa 2,7 ese kóp aqsha bólingen.