Atys Mańǵystaý oblysy Quryq aýylynda  17 shilde kúni túnde oryn alǵan. Bul týraly Qamshy.kz aqparat agenttigi Mańǵystaý oblystyq İİD basapasóz qyzmetine silteme jasap habarlaıdy.

20, 22, 23 jastaǵy jas  jigitter kóptegen jaraqattarmen Mańǵystaý oblystyq aýrýhanasyna jetkizilgen. Úsh zardap shegýshi jigitke tótenshe jaǵdaıda ota jasalǵan. Olardyń denesi, keýde tustary, asqazan aınalasy, aıaq-qoldary jaralanǵan. «Zardap shekkederdiń biriniń asqazany qatty jaraqattanyp, 1,5 lıtr qan joǵaltyp, qazir jasandy tynys alý apparatymen dem alyp jatyr. Jan saqtaý bóliminde jatyr»-deıdi Mańǵystaý oblystyq aýrýhanasynyń hırýrgıa bóliminiń dırektorynyń orynbasary.

Jaralanǵan jigitterdiń ekeýi jansaqtaý bóliminen shyǵaryldy. Atys barysynda qaza tapqan adamdardyń sany áli málimdelmegen.  Qazirgi ýaqytta oryn alǵan oqıǵaǵa baılanysty zertteý jumystary júrgizilýde.