Búgin QR Investısıalar jáne damý mınıstrliginiń medıa-ortalyǵynda Avtomobıl joldary komıtetiniń «Nurly jol» ınfraqurylymdy damytý memlekettik baǵdarlamasy boıynsha jasaǵan jumys qorytyndysyna arnalǵan brıfıń ótti.
Bıyl memlekettik baǵdarlama aıasyndaǵy jobalardy júzege asyrýǵa 356,2 mlrd. teńge bólindi. Onyń ishinde jalpy uzaqtyǵy 1,2 myń shaqyrym bolatyn Ortalyq-Ońtústik, Ortalyq-SHyǵys, Beıneý-Aqtaý, Aqtóbe-Atyraý, Qapshaǵaı-Taldyqorǵan, Astana-Petropavl jáne Oral-Kamenka jobalarynyń qurylys jumystaryn jalǵastyrýǵa ulttyq qordan 143,5 mlrd. teńge bólindi.
QR IDM Avtomobıl joldary komıtetiniń tóraǵasy Mereke Pishembaevtyń aıtýynsha, 2017 jyldyń birinshi jartyjyldyǵynda atalmysh jobalardyń qurylys-montajdaý jumystary jyldyq jospar boıynsha 32%-ǵa oryndaldy.
Naqty aıtqandy, 3 myń m3topyraq tóseldi, 22 shaqyrymǵa tósenish qabaty salyndy, jol tabanynyń 90 shaqyrym tómengi jáne 33 shaqyrym joǵarǵy qabaty, 42 shaqyrym tómengi jáne 75 shaqyrym joǵarǵy qabatynyń jabyny, 45 shaqyrym sementbetondy jabyn tóselgen.
Jyl qorytyndysynda atalmysh jobalar boıynsha 602 shaqyrymdy aıaqtaý josparlanýda. Sonyń ishinde Beıneý-Aqtaý jáne Almaty-Taldyqorǵan avtojoly tolyq aıaqtalady.
Qazirgi tańda búdjettik qarajat esebinen 4 jańa joba - Beıneý-Aqjigit, Shýchınsk-Zerendi, Taskesken-Baqty, Úsharal-Dostyq jobalarynyń qurylys jumystary bastaldy. Óskemen-Zyrán-Rahman bulaǵy jobasy boıynsha konkýrs qorytyndysy kútilýde.
«Halyqaralyq qarjy ınstıtýttarynyń (DQHB, ADB, EDQB, IDB jáne QHR Eksımbanki) zaımdary esebinen uzaqtyǵy 2 184 shaqyrym bolatyn 10 jobany iske asyrý bastalady. Olar: Taldyqorǵan – Óskemen, Kúrti –Býrylbaıtal, Merki – Býrylbaıtal, Uzynaǵash – Otar, Qalbataý – Maqat, Atyraý –Astrahan jáne Jetibaı – Jetiózen. Qazirgi tańda Qandyaǵash – Maqat avtojolynyń ýchaskesi boıynsha ADB zaımy týraly kelisimge qol qoıyldy. Qurylys jumystaryn bıyl shildede bastaý josparlanyp otyr. Kúrti – Býrylbaıtal, Uzynaǵash – Otar, Jetibaı – Jetiózen jobalary boıynsha zaımdar týraly kelisimge qol qoıý josparlanýda. Olardy ratıfıkasıalaý aıaqtalǵanda kelisim-sharttarǵa qol qoıylady»,-dedi Mereke Pishembaev.
Islam damý banki zaımdary esebinen qarjylandyrylatyn Aqtóbe – Qandyaǵash, Atyraý– Astrahan avtojoldarynyń ýchaskeleri boıynsha kelisimderge qol qoıý bıylǵy jyldyń İİ jartyjyldyǵyna josparlanýda. Qurylys jumystaryn kelisimderge qol qoıylǵannan keıin bastaý josparlanyp otyr.
Jalpy alǵanda, 4,4 myń shaqyrymda qurylys jáne rekonstrýksıa jumystaryn júrgizý jáne shamamen 100 myń adamdy jumyldyrý josparlanyp otyr. Jumys barysynda 95 paıyzdan astam Qazaqstanda óndirilgen materıal paıdalanylady.
