Memleket basshysynyń Jarlyǵymen «Qazaqstan Respýblıkasynyń memlekettik qyzmeti týraly» Qazaqstan Respýblıkasy Zańyna sáıkes Qazaqstan Respýblıkasy Prezıdenti Ákimshiliginiń Basshysy Ádilbek Ryskeldiuly Jaqsybekovtiń ókilettigi zeınetkerlik jasqa tolǵan kúnnen bastap 2022 jylǵy 26 shildeni qosa alǵandaǵy merzimge deıin uzartyldy. Bul týraly Aqorda saıty jarıalady dep jazady Qamshy.kz.
Eske salsaq, Jaqsybekov bir aptadan soń zeınet jasyna tolady.
Ol 2016 jylǵy 21 maýsymda Qazaqstan Respýblıkasy Prezıdenti Ákimshiliginiń Basshysy bolyp taǵaıyndaldy.
Prezıdent Ákimshiliginiń Basshysy Ádilbek Ryskeldiuly 1954 jyly 26 shildede Qostanaı oblysy, Qarabalyq aýdanynyń Bórili aýylynda týǵan.
1977 jyly Búkilodaqtyq memlekettik kınematografıa ınstıtýtynyń (Máskeý qalasy) ekonomıka fakúltetin bitirgen, 1987 jyly Plehanov atyndaǵy Máskeý halyq sharýashylyǵy ınstıtýtynda «materıaldyq-tehnıkalyq jabdyqtaýdy uıymdastyrýshy» mamandyǵy boıynsha qaıta daıarlaýdan ótti. Ekonomıka ǵylymdarynyń kandıdaty.
Qazaq KSR Memkıno jáne Memjabdyqtaý júıesinde jumys istedi, birqatar kásiporyndardy basqarǵan.
1988-1995 jyldary «Sesna» kópsalaly korporasıasyn basqardy.
1995 jyly Qazaqstan Respýblıkasy Parlamentiniń Senatyna saılandy.
1996 jyly – Aqmola oblysy ákiminiń birinshi orynbasary.
1997-2003 jyldary – Astana qalasynyń ákimi.
2003-2004 jyldary – Qazaqstan Respýblıkasynyń Indýstrıa jáne saýda mınıstri.
2004-2008 jyldary – Qazaqstan Respýblıkasy Prezıdenti Ákimshiliginiń Basshysy.
2008 jylǵy qańtar men qazan aralyǵynda – «Nur Otan» halyqtyq-demokratıalyq partıasy tóraǵasynyń birinshi orynbasary – Qazaqstan Respýblıkasy Prezıdentiniń keńesshisi.
2008-2009 jyldary – Qazaqstan Respýblıkasynyń Reseı Federasıasyndaǵy Tótenshe jáne Ókiletti Elshisi.
2009-2014 jyldary – Qazaqstan Respýblıkasynyń Qorǵanys mınıstri.
2014 jylǵy sáýir men qazan aralyǵynda – Qazaqstan Respýblıkasynyń Memlekettik hatshysy.
2014-2016 jyldary PÁ jetekshiline kelgenge deıin Astana qalasynyń ákimi boldy.
Qazaqstan Respýblıkasy Memlekettik syılyǵynyń laýreaty.
«Qazaqstan Respýblıkasynyń Tuńǵysh Prezıdenti Nursultan Nazarbaev», I, II jáne III dárejeli «Barys», III dárejeli «knáz Iaroslav Mýdryı» (Ýkraına) ordenderimen jáne medaldarmen nagradtalǵan.
Tótenshe jáne Ókiletti Elshi dıplomatıalyq dárejesine ıe.
