Qytaıdaǵy Sychýan provınsıasynda 8 tamyz kúni keshki ýaqytta kúshti jer silkinisi bolǵan dep habarlaıdy Qamshy.kz aqparat agenttigi.

Derekterge súıensek, 8 baldyq jer silkinisi jergilikti ýaqytpen 21:19-da Sychýan provınsıasyndaǵy Ngava-Tıbet-Sán avtonomıalyq aýdanynyń Szúchjaıgoý ýezinde boldy.

Seısmologtar jer silkinisinen keıin 770-ke jýyq jer asty dúmpýlerin anyqtady.

Apat saldarynan 19 adam qaza taýyp, 250 turǵyn jaraqattandy.

Qytaıdyń ortalyq televıdenıesiniń habarlaýynsha, dárigerler 40-qa jýyq adamnyń jaǵdaıy aýyr ekenin jetkizdi.

Zardap shekken adamdardyń qatarynda Fransıa men Kanada azamattarynyń bar ekeni anyqtaldy. Eki sheteldik azamat jergilikti aýrýhanaǵa jetkizilgen.

Jer asty dúmpýleri 4 baldyq júıede Qazaqstanda da sezildi.