Kezdesý barysynda ekijaqty yntymaqtastyqtyń ózekti máseleleri, sonyń ishinde saýda-ekonomıkalyq qarym-qatynastardy odan ári damytý boıynsha 2017-2018 jyldarǵa arnalǵan birlesken sharalardyń josparyn iske asyrý barysy talqylandy, dep habarlaıdy Qamshy.kz aqparat agenttigi Premer-mınıstrdiń saıtyna silteme jasap.
Baqytjan Saǵyntaev Qazaqstan-Belarýs qarym-qatynasy ilgerileı otyryp, damyp jatqanyn atap ótti. Óz kezeginde Andreı Kobákov Qazaqstannyń saýda aınalymy kólemi boıynsha Belarýstiń negizgi seriktesteriniń qatarynda ekenin málimdedi.
Sondaı-aq, eki tarap saýda-ekonomıkalyq yntymaqtastyq jónindegi Qazaqstan-Belarýs úkimetaralyq komısıasy qyzmetine qatysty máselelerdi qarady jáne bıyl Qazaqstanda qyrkúıek aıynda ótetin komısıanyń kezekti 13-otyrysyn talqylady.
Budan ózge, bıyl mamyr aıynda Qazan qalasynda TMD elderiniń úkimet basshylary keńesiniń otyrysynda qol qoıylǵan, «Qazaqstandyq Toqamaq» bazasyndaǵy tájirıbelik keshendi birlesip paıdalaný týraly kelisimniń iske asyrylý jaǵdaıy talqylandy.
Taraptar, sonymen qatar, Eýrazıalyq ekonomıkalyq odaq aıasynda ózara is-qımyl jasasý máselelerine nazar aýdardy. Ónerkásiptik salada, kólik jáne komýnıkasıalar, sondaı-aq ǵarysh salasynda yntymaqtastyqty keńeıtý máseleleri qaraldy.
Kezdesýdiń sońynda B. Saǵyntaev pen A. Kobákov Astanada ótip jatqan EKSPO-2017 kórmesi men Astanada qurylatyn Startap-hab aıasynda birlesken jobalardy iske asyrý keleshegin talqylady.
Osy jyly Qazaqstan men Belarýs arasynda dıplomatıalyq qarym-qatynastyń ornaǵanyna 25 jyl tolady. Saýda-ekonomıkalyq yntymaqtastyq jónindegi Qazaqstan-Belarýs úkimetaralyq komısıasy 1996 jyldan bastap jumys isteıdi. Qazaqstan men Belarýs arasyndaǵy saýda aınalymy 2017 jylǵy qańtar-mamyr aralyǵynda 207,8 mln. dollardy quraǵan, bul ótken jyldyń kórsetkishimen salystyrǵanda 73%-ǵa ulǵaıtylǵan.
