Búgin Qazaqstan Respýblıkasynyń Premer-mınıstri Baqytjan Saǵyntaev Qyrǵyz Respýblıkasynyń Premer-mınıstri Sooronbaı Jeenbekovpen kezdesý ótkizdi. Bul týraly Qamshy.kz aqparat agenttigi Premer-mınıstrdiń baspasóz qyzmetine silteme jasap habarlaıdy.
Kezdesý barysynda ekijaqty yntymaqtastyqty odan ári damytý, onyń ishinde tehnıkalyq kómek kórsetý, temirjol tarıfterin sáıkestendirý, azamattarǵa qoıylatyn kóshi-qon talaptaryn jeńildetý salalaryndaǵy máseleler talqylandy.
Taraptar Qazaqstan men Qyrǵyzstan arasyndaǵy yntymaqtastyqtyń 2017–2020 jyldarǵa arnalǵan keshendi baǵdarlamasyn ázirleýdegi eleýli ilgerileýdi atap ótti, ol eki el arasyndaǵy taıaý keleshekke baǵdarlanǵan strategıalyq seriktestik pen ózara tıimdi qarym-qatynastardy damytý men nyǵaıtýdyń Jol kartasyna aınalýy tıis.
Budan ózge, Premer-mınıstrler eki taraptyń qazaqstandyq-qyrǵyz memlekettik shekarasyn mejeleý boıynsha Shartqa qol qoıýǵa ázirlik deńgeıin baǵalady.
Sonymen qatar eki eldiń óńirlik uıymdardaǵy, sonyń ishinde Túrkitildes memleketter yntymaqtastyǵy keńesiniń aıasyndaǵy ózara is-qımyly taqyryptary qozǵaldy.
