Tamyzdyń 15 men 17-i aralyǵynda ozyq sharýashylyq jetekshileri, QR Eginshilik jáne ósimdik sharýashylyǵy ǵylymı-zertteý ınstıtýty men «Jetisý» áleýmettik-kásipkerlik korporasıasy basshylary Serbıa Respýblıkasynda bolyp qaıtty. Almaty oblysynyń delegasıasyn óńir basshysynyń orynbasary Serikjan Beskempirov bastap bardy dep habarlaıdy Qamshy.kz aqparat agenttgi.
Sapar barysynda qazaqstandyq delegasıa Serbıanyń aýylsharýashylyǵy jáne qorshaǵan ortany qorǵaý Mınıstri Branıslav Nedımovıchpen, Voevodına avtonomdyq aımaǵynyń úkimet basshysy Igor Mırovıchpen jáne aýylsharýashylyǵymen aınalysatyn iri serbtik kompanıa jetekshilerimen kezdesti. Sondaı-aq Ońtústik-SHyǵys Eýropaǵa tanymal egin jáne kókónis sharýashylyǵy «NS Semá» ǵylymı-óndiristik ınstıtýtynda, «Bıosens» ǵylymı-ınnovasıalyq ınstıtýty men Serbıanyń shaǵyn jáne orta fermerlik sharýashylyqtarynda boldy.
Qazaqstan delegasıasynyń basshysy Serbıa tarapyn elimizdiń damýyndaǵy negizgi basymdyq QR Prezıdentiniń «Qazaqstannyń úshinshi jańǵyrýy, jahandyq básekege qabilettilik» atty Joldaýynda kórsetilgen agrónerkásip kesheninde eksporttyq baǵytty damytýǵa baǵyttalǵanyn atap ótti. Kezdesý barysynda Qazaqstannyń Serbıadaǵy elshisi Nurbah Rústemov bul sapar eki el arasynda aýylsharýashylyǵy salasyndaǵy qarym-qatynastardy nyǵaıtýǵa baǵyttalǵan kelisimderdiń tájirbıe júzinde iske asyrylýy ekenin tilge tıek etti. Elshiniń aıtýynsha Almaty oblysy men Voevodına avtonomdyq aımaq ákimshiliginiń seriktestik týraly kelisimniń oryndalýy. Eki tarap soıa, qant qyzylshasy, júgeri men kúnbaǵys tuqymyn óndirý salasynda birge jumys isteýde qyzyǵýshylyq tanytqanyn jetkizdi. Aýylsharýashylyǵy ónimderiniń ónimdiligin arttyrý baǵytynda ǵylymı jobalar boıynsha ózara tájirbıe almasýdy kózdeıdi. Budan bólek eki eldiń oqý oryndarynda aýylsharýashylyǵy mamandaryn daıarlaý, kooperasıa qurý tarapynda birqatar máseleler qaraldy.
Qazan aıynda Voevodına avtonomıalyq aımaq basshysy men serbtik aýylsharýashylyǵy taýar óndirýshileriniń, saýda-sattyq jáne ekonomıklyq qarym-qatynasta qyzyǵýshylyq tanytqan kompanıalardyń Almaty oblysyna jaýapty sapary josparlandy.
