Lıvan áskeri Sırıamen shekaralas Ras Baalbek qalashyǵynyń mańynda bekingen «Irak jáne Levant» lańkestik uıymy sodyrlaryna qarsy áskerı operasıa bastady. Bul týraly Qamshy.kz aqparat agenttigi 24.kz saıtyna silteme jasap habarlaıdy.
Qazir sarbazdar sodyrlardyń qolynda bolǵan birneshe jotany baqylaýyna aldy. Aýyr artılerıamen soqqy kezinde lańkesterdiń birneshe tankisi men biraz tehnıkasy joıylǵan.
Aıta keteıik, ótken aıdyń sońyna taman Lıvan áskeri men «Hezbolla» tobynyń jasaqtary Ersal aımaǵynda áreket etken «Djebhat án-Nýsra» lańkestik uıymynyń sodyrlaryna qarsy arnaıy operasıa júrgizip, jeńiske jetken. Birneshe kúnge sozylǵan urystan keıin lańkester januıalarymen birge Lıvan aýmaǵynan Sırıanyń Idlıb aımaǵyna qaraı ketetin bolyp kelisken.
