KHDR senbi kúni tańerteń jaqyn qashyqtyqtaǵy zymyran ushyrdy dep habarlaıdy Qamshy.kz aqparat agenttigi RIA Novostı-ge silteme berip. Bul AQSH pen KHDR arasyndaǵy sóz qaqtyǵystarynan keıingi ushyrylǵan alǵashqy zymyran.
Málimetterge súıensek, Konvondo provınsıasynan Japon teńizine 3 zymyran ushyrylǵan. Ońtústik Koreıa áskerıleri zymarandardyń 250 shaqyrym qashyqtyqqa ushqanyn aıtqan. Al amerıkandyq áskerılerdiń málimetinshe, KHDR-dyń balıstıkalyq zymyrandary sátsiz iske qosylǵan.
Aldyńǵy aptada eki derjava lıderleri kelisimge kelgendeı bolǵan. Kım Chen Yn AQSH-tyń áreketterin baqylaıtynyn jetkizgen. Alaıda dúısenbi kúni AQSH Ońtústik Koreıamen birlesip 10 kúndik "Ulchi — Freedom Guardian" jattyǵýlaryn bastap ketken. Al KHDR óz kezeginde bul jattyǵýlardy áskerı qaqtyǵysqa daıyndyq retinde esepteıdi.
