Búgin qalalyq saıabaqta Aqmola oblystyq ólketaný murajaıynyń uıymdastyrýymen elbasymyzdyń «Rýhanı jańǵyrý» maqalasy boıynsha jáne Astana qalasyndaǵy halyqaralyq EKSPO-2017 kórmesine oraı qolóner sheberleriniń jármeńkesi ótti. Munda Kókshetaý jáne Shýchınsk qalalary qolónershileriniń týyndylary usynyldy, dep habarlaıdy Qamshy.kz aqparat agenttigi Aqmola oblysy ishki saıasat basqarmasynyń Óńirlik komýnıkasıalar qyzmetine silteme jasaı otyryp. 

Kórmege atalǵan qalalardan barlyǵy 57 qolónershi qatysqan. Aqmola oblystyq ólketaný murajaıynyń jalpyǵa ortaq tarıhı bóliminiń aǵa ǵylymı qyzmetkeri Aıman Salmýhamedovanyń aıtýy boıynsha, jármeńkede ár túrli janrdaǵy, baǵyttaǵy, ár túrli stıldegi, týyndylar usynylǵan. Atap aıtqanda, tabıǵı tastardan jasalǵan áshekeı buıymdary, toqylǵan korzınalar men portretter, teriden jáne aǵashtan jasalǵan buıymdar bolǵan.

Qatysýshylardyń qatarynda aǵashtan halqymyzdyń dástúrli jıhazdaryn, mýzykalyq aspaptaryn jasaıtyn Shoqan Elamanov boldy.  Shoqan aǵanyń ónerin balasy Shyńǵys ta jalǵastyryp keledi. Ulttyq naqyshtaǵy dúnıelerdi daıyndaıdy.

Sonymen qatar, Shýchınsk qalasynan kelgen Rashıt Mınıhanov kórkem fotosýretpen aınalysatynyn, ári qalamyzda osyndaı jármeńkelerdi, kem degende, jylyna úsh ret uıymdastyryp turý kerektigin atap ótti.