Almatyda tabylǵan máıit osydan bir aı buryn iz-tússiz joǵalyp ketken 18 jastaǵy Nazerke Áriptiń denesi bolýy múmkin, dep jazady Qamshy.kz aqparat agenttigi. Bul týraly Nazerkeniń jaqyn týystary habarlaǵan. Olardyń aıtýynsha, búgin jerleý rásimi ótip jatyr.
Almaty İİD habarlaýynsha, qyzdyń denesi saraptamaǵa jiberilgen. «Saraptamanyń tolyq nátıjesi shyqpaı turyp, izdeýdi toqtatyp qoıýǵa áli erte. Biz nátıjesin kútip otyrmyz», - dedi Almaty İİD arnaıy ókili Saltanat Ázirbek Tengrinews.kz tilshisine.
Eske salsaq, Árip Nazerke Darhanqyzy 10 shilde kúni saǵat 13.40-ta Talǵar aýdany Tuzdybastaý aýylyndaǵy úıinen shyǵyp ketip, qaıta kelmegen.
Bıyl boıjetken mektep bitirip, UBT-dan 100 bal alǵan. Ári medısına mamany bolýdy armandaǵan.
