Depýtattar Almaty oblysy ákiminiń jumysyna qanaǵattanarlyq degen baǵa berdi. Bul týraly búgin ótken oblystyq máslıhattyń XXI sesıasynda belgili boldy.
Kún tártibindegi basty suraq – oblys ákiminiń oblystyq máslıhat depýttarynyń aldynda ótken 7 aıda atqarylǵan jumystardyń qorytyndysy boıynsha esep berýi boldy.
Oblys ákimi Amandyq Batalovtyń sózine súıener bolsaq, jergilikti atqarýshy organdardyń esep berý kezeńindegi jumysy negizinen Memleket basshysynyń tapsyrmalary men belgilengen mejege jetkizetin maqsattyq ındıkatorlardy oryndaýǵa baǵyttaldy. Atqarylǵan jumystardyń nátıjesinde oblystyń 7 aıdaǵy áleýmettik-ekonomıkalyq damýynda ósim baıqalady. Negizgi salalar boıynsha kórsetkishterdiń jaqsarýyna baılanysty ekonomıkanyń ósimi 2 % jyldyq boljammen salystyrǵanda 2,8 % qurady. Atap aıtar bolsaq, ónerkásiptik óndiris kólemi 4,3% ósip, 396 mlrd. teńgege jetti. 32 jańa kásiporyndy iske qosý men jumys jasap turǵan óndiris oryndaryn keńeıtýdiń arqasynda qosymsha 867 jumys orny ashyldy. Indýstrıalandyrý kartasy boıynsha buǵan deıin iske asyrylǵan 51 jobanyń 43-i óziniń josparly qýatyna shyqty. Qazirgi ýaqytta qalǵan kásiporyndardy tolyq qýatyna jetkizý baǵytynda jumystar júrgizilýde.
Sonymen qatar, óńir basshysy Ult josparynyń 55-56 qadamdaryn iske asyrý aıasynda oblysqa 7 transulttyq kompanıalar tartyldy. Osy jobalardy iske asyrý arqyly óńirimizge 160 mlrd. teńge ınvestısıa tartylyp, qosymsha 2 000 jumys orny ashylatyn bolady. Jalpy aǵymdaǵy jyldyń 7 aıynda oblysqa 205,9 mlrd. teńge ınvestısıa tartyldy. «Nurly jol» jáne «Nurly jer» baǵdarlamalaryn iske asyrý sondaı-aq, ónerkásip, agroónerkásiptik keshen, gazdandyrý, energetıka salalary boıynsha birneshe jobalardy júzege asyrýdyń nátıjesinde jyl sońyna deıin bul kórsetkish 537 mlrd. teńgege artady dep kútilýde.
Osydan keıin óńir basshysy A. Batalov aýylsharýashylyǵy, áleýmettik sala, týrızm, shaǵyn jáne orta bıznesti qoldaý, ınfraqurylymdy damytý, turǵyn úı qurylysy, gazdandyrý jáne ózge de mańyzdy salalar men baǵyttar boıynsha jetistikterdi atap ótti.
Baıandama barysynda «Rýhanı jańǵyrý» baǵdarlamasyn júzege asyrý jáne osy baǵdarlama negizinde iske asyrylyp jatqan jobalarǵa úlken kóńil bólindi.
Oblys ákiminiń baıandamasyn tyńdap bolǵannan keıin, depýttar jaryssózge kóshti. Sóz sóılep, pikir bildirgender qatarynda oblystyq máslıhattyń depýtattary Ermek Kelemseıit, Rahat Ybraıymova jáne Jankeldi Osan boldy.
Jaryssózdiń qorytyndysy boıynsha depýttar bir aýyzdan oblys ákiminiń ótken merzim aralyǵynda atqarǵan jumysyn qanaǵattanarlyq dep baǵalady.
