AQSH prokýratýrasy Túrkıanyń burynǵy ekonomıka mınıstri jáne memlekettik Halkbank kompanıasynyń burynǵy basshysy Zafer Chaglaıandy BUU-nyń Iranǵa qarsy sanksıalaryn buzýǵa talpyndy dep aıyptady. Tergeý deregine qaraǵanda, ol amerıkalyq bankter arqyly Iran úkimeti men memlekettik mekemeleri esebine júzdegen mıllıon dollar joldaǵysy kelgen, dep habarlaıdy Qamshy.kz aqparat agenttigi Sentralasian.org saıtyna silteme jasap.
Chaglaıandy qolma-qol aqshamen jáne baǵaly zattarmen para alǵan, aqshanyń izin jasyrǵan jáne qarjyǵa qatysty alaıaqtyq jasady dep aıyptaldy.
Mundaı aıyptar Túrkıanyń burynǵy úkimet múshesine alǵash márte taǵylyp otyr. Chaglán Túrkıa prezıdenti Rejep Erdoǵannyń senimdi adamdarynyń biri retinde tanymal.
Burynǵy mınıstr amerıkalyq quqyqqorǵaý organdarynyń nazaryna ırandyq altyn satýshy Reza Zarrabqa qarsy qylmystyq isi arqyly shyqqan. Ony da AQSH Iranǵa qarsy sanksıalardy aınalyp ótkisi keldi dep aıyptap otyr.
