QR İİM Astananyń turǵyndary men qonaqtarynan EKSPO-2017 halyqaralyq kórmesiniń jabylý rásimine oraı qaladan ýaqytsha ketýlerin surady, dep jazady Qamshy.kz aqparat agenttigi. Jabylý rásimine qatysamyn deýshilerdi qaladaǵy patrúldeýler men joldardaǵy tosqaýyldar tosyp tur.
Brıfıń barysyndaǵy qaýipsizdik sharalary jóninde QR İİM Ákimshilik polısıa komıteti tóraǵasynyń orynbasary Talǵat Musaqanov habarlady.
«İs-sharanyń jabylýy kezinde Islam memleketteriniń samıti ótedi. 18 memlekettiń basshylary keledi, 20 memlekettiń basshylaryna qatysty máseleler sheshilýde. Bul jaǵdaılar qalaǵa aýyr salmaq túsiredi. Ár memleket basshysynyń janynda bolýymyz qajet. Olar 8 qonaqúı men 2 rezıdensıaǵa oranalasady. Biz qaýipsizdikti qamtamasyz etý maqsatynda quqyq qorǵaý organdarynyń barlyq kúshteri arasynda jattyǵýlar ótkizdik. Biraq shydaýǵa týra keledi. 30 memleket bar, árqaısysynyń janynda júrýimiz kerek», – dedi Musaqanov.
Sondaı-aq komıtet tóraǵasynyń orynbasary osy kúnderi turǵyndardan jeke kólikterin paıdalanbaýdy nemese qaladan múldem ketip qalýlaryn surady.
«Biz azamattardan jeke kólikterimen júrmeýin suraımyz. Al EKSPO-ny kórgender bolsa, qala syrtyna ketip qalǵandaryńyz durys», – dep qostady Talǵat Musaqanov.
