Almaty qalasynyń Tilderdi damytý basqarmasy Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn iske asyrý jónindegi Almaty qalasynyń 2017-2019 jyldarǵa arnalǵan is-sharalar josparyn júzege asyrý maqsatynda jáne Basqarmanyń 2017 jylǵa arnalǵan jumys josparyna sáıkes, «Rýhanı jańǵyrý» baǵdarlamasynyń aıasynda «Kórkem sóz oqý sheberleri» atty qalalyq baıqaý ótkizedi.
Baıqaýdyń maqsat-mindetteri: memlekettik tildiń qoldanylý aıasyn keńeıtý, memlekettik til saıasatyn keńinen nasıhattaý, talantty jastardy jan-jaqty kótermeleý. Kórkem ádebıetti, qazaq qalamgerleriniń shyǵarmashylyq murasyn nasıhattaý, qazaqstandyq rýhanı birlikti nyǵaıtý jáne otansúıgishtik sezimdi tárbıeleý, kópshiliktiń qazaqtyń ulttyq mádenıeti men ónerine, ádebıeti men tiline degen yqylasyn arttyrý, jastar arasynda kitap oqý mádenıetin damytý.
Baıqaýdyń sharttary. Baıqaý tómendegideı kezeńder boıynsha ótkiziledi:
- Qazaqtyń belgili jazýshylarynyń kórkemdigi joǵary prozalyq shyǵarmalarynan úzindi oqý;
- Qazaqtyń belgili jazýshylarynyń kórkemdigi joǵary poezıalyq shyǵarmalarynan úzindi oqý;
- Qazaqtyń belgili jazýshylarynyń kórkemdigi joǵary dramalyq shyǵarmalarynan úzindi oqý.
Oqylatyn mátin kólemi 5 mınýttan aspaý kerek, talapkerler oqıtyn mátinderin jatqa oqýlary shart.
Baıqaýdyń qazylar alqasy quramyna memlekettik mekemeler men qoǵamdyq uıymdardyń resmı ókilderi enedi.
Baıqaýdyń júldesi: Birinshi, ekinshi, úshinshi júldeli oryn alǵandarǵa tıisti dárejedegi dıplomdar men baǵaly syılyqtar, qatysýshylarǵa alǵys hattar men estelik syılyqtar tapsyrylady.
Baılanys telefondary: 2631527
