9 qyrkúıek kúni Almatydaǵy Ahmet Baıtursynuly mýzeı-úıinde Ult ustazy Ahmet Baıtursynuly taǵylym úıiniń qalyptasý tarıhyna arnalǵan «Ahmet Baıtursynuly mýzeı-úıi» atty kitaptyń tusaý keseri ótedi, dep jazady Qamshy.kz
Almaty turǵyndary men qonaqtary arnaıy shaqyrylǵan shara, saǵat 11-de mýzeıdegi Baıtursynulynyń eskertkish aldynda ótedi. Kitap avtory mýzeıdiń dırektory Raıhan Imahanbet.

«Ahmet Baıtursynuly murajaıynyń alǵash uıymdastyrylýy — 1993 jyldyń 09-qyrkúıegi bolatyn. Sodan beri syrǵyp 24 jyl óte shyqty. Bul shırek ǵasyrda Ahańnyń murajaıynyń qalyptasyp, damýy úshin qıly joldardy bastan keshtik. Sol oqıǵalardan habardar bolǵysy keletin hám Ahań murasyna beı-jaı qaramaıtyn shynaıy janashyr oqyrmandarymyzǵa Ahmet Baıtursynuly murajaı-úıiniń esigi aıqara ashyq!», - deıdi Raıhan Sahybekqyzy.

Eske sala ketetin bolsaq, jaqynda ǵana Ahmet Baıtursynuly murajaıy Almaty qalasy boıynsha kıeli oryndar tizimine engen bolatyn.

Aıta ketsek, jyl basynda sol kezdegi Úkimet basshysy orynbasar qyzmetinde bolǵan Imanǵalı Tasmaǵambetov Almaty qalasyndaǵy Baıtursynuly mýzeı-úıine arnaıy kelgen bolatyn. 

Tasmaǵambetovtiń saparynda mýzeıge birge kelgen Almaty qalasynyń ákimi Baýyrjan Qydyrǵalıuly «Osy jyly mýzeıge İshki saıasat basqarmasy tarapynan jáne Mádenıet basqarmasy tarapynan 10 mıllıon teńge bóldik», -  dep habarlaǵan edi. Atalmysh kitap Almaty ákiminiń ýádesi boıynsha ákimdik bólgen qarajatqa shyǵyp otyr.