Qamshy.kz aqparat agenttiginiń jetekshisi, «Attila group» ınternet kompanıasynyń ókili Bilál Qýanysh latyn álipbıine qatysty parlamenttik tyńdaýda sóz sóıledi.
«Aldaǵy ýaqytta qoldanysqa enetin «Attila group» kompanıasy jasaǵan konverter tildiń damýyna kepildik bermek.
Endi osy konverterdiń artyqshylyqtaryna toqtala keteıin. Birinshisi, bizdiń mamandarymyz on jyldan beri zerttep kele jatqan qazaq álipbıleriniń konverter júıesi osy kúnge deıin álem qazaqtary paıdalanyp kele jatqan kırıll, latyn, tóte jazýlardy bir-birine qateliksiz aýdara alatyn biregeı júıe».
«Kóp jyldyq tájirıbeden ótken osy konverter júıesi endigi kezekte memlekettik tildiń birińǵaı standartty álipbıin halyq arasynda óte yńǵaıly, qoljetimdi turǵyda nasıhattap, tez qoldanysqa enýine aıryqsha qyzmet etpek.
Mysaly Siz kırıll álipbıimen oqyǵan adam bolsańyz «Attila group» kompanıasy jasaǵan konverter júıesin kompúterińizge nemese uıaly telefonyńyzǵa ornatý arqyly kez kelgen ýaqytta kez kelgen mátindi jańa álipbı nusqasyna aýdara alasyz.
Tipti «Abaı joly» romanyn 3 sekýnd aralyqta jańa álipbı júıesimen oqýǵa múmkindigińiz bolady».
«Bul konverterdi kez kelgen kompúterge, uıaly telefonnyń kez kelgen nusqasyna, kez kelgen programmalyq quraldarda paıdalanýǵa múmkindik bar».
«Eskeretin bir jaıt, Memlekettik til álipbıiniń latyn grafıkasyndaǵy birińǵaı standartty álipbıi halyqqa tanystyrylǵan soń «konverter júıesi» Memleket belgilegen bir ǵana nusqamen jasalatyn bolady.
