Sırıada taǵy eki reseılik kóz jumdy – Iaroslav oblysynan Iýrıı habarov jáne Sheshenstannan Magomed Terbýlatov. Habarovtyń qazasy jóninde Conflict Intelligence Team (CIT) tergeý toby habarlady. Tergeý málimetterine súıensek, Sırıaǵa barmas buryn reseılik jaýynger Ýkraınanyń shyǵysynda separatısterdiń atynan soǵysqan. Sırıada kelisim boıynsha qyzmet etti me, álde  jalshy boldy ma, belgisiz.

Terbýlatovtyń ólimi týraly «Kavkaz.Realı» ınternet-basylymy málimdedi. Qaza tapqan jaýynger Sırıadaǵy áskerı polısıada qyzmet etti. 20 qyrkúıekte Reseıdiń qorǵanys mınıstri sırıalyq Idlıb provınsıasynyń áskerı polısıasynyń qorshaýǵa alynǵanyn habarlaǵan. Al qaza tapqandar jaıynda aqparat shyqpaǵan.

Ótken aptada Sırıada 5 reseılik jaýynger qaza tapqan. Olardyń qatarynda general-leıtenant Valerıı Asapov boldy.