Aqan Sataevtyń «Anaǵa aparar jol» fılminiń Qazaqstan atynan Oskar syılyǵyna usynylǵany belgili. Alaıda, fılm Oskardy ala ma, joq pa, qanshalyqty múmkindigi bar, bul suraqtarǵa informburo.kz jaýap izdep kórdi, dep jazady Qamshy.kz aqparat agenttigi.

Fılmniń negizgi kórsetpek bolǵan oıy – ananyń balaǵa degen sheksiz mahabbaty, qansha jyl ótse de, bir kezderi aıyrylyp qalǵan balasyn ómir boıy kútýge daıyn ananyń asqan tózimdiligi. Ári ana rólin somdaǵan aktrısa Altynaı Nógerbek atalmysh róldi oıdaǵydaı alyp shyqty.

Jut, repressıa zamany... Fılm İlıas atty keıipkerdiń dúnıege kelýimen bastalady. Sábıdi borandy túnde dúnıege ákelgen rejıser onyń taǵdyrynyń da ótkel joldardan turatynyn kórsetpek boldy. Bala kezinen anasynan qol jazyp qalǵan İlıas Qytaı, Túrkıa jáne ózge de memleketterdi sharlap, Kolymadan biraq shyǵady. Adasqan joldardan anasyn, unatqan qyzy Úmitti izdeıdi. «İlıas pen Úmittiń alǵash vokzalda kezdesip, sol ýaqytta qoshtasqan sáti – Mıhaıl Kalatozovtyń «Letát jýravlı» kartınasynyń dálme-dál kóshirmesi» deıdi informburo.kz tilshisi.

Dneprdegi shaıqas alańy óz deńgeıinde túsirilgen. Fılmniń sońynda İlıas anasynan jastaıynan qol úzip qalǵan mekenge dál sol joldarmen qaıta oralady.

Búginde Qazaqstandaǵy Oskar kınopremıasy bóliminiń tóraǵasy «Anaǵa aparar jol» fılmine úlken úmit artatynyn aıtqan, ári atalmysh fılmdi halyqaralyq syılyqqa ábden laıyq dep sanady. 

Al «qazaqstandyq fılm kúnderdiń birinde Oskar syılyǵyn ıemdene alady ma?» degen suraqqa kóptegen sarapshylar oılanbastan basyn shaıqaıdy. Satybaldy Narymbetovtyń aıtýynsha, kartına amerıkandyq kınoakademıkterdiń júregin eljirete almaýy múmkin, sebebi onda konúnktýralyq obrazdar joq.

«Bul qazaqstandyq kınonyń altynshy shabýyly. Budan buryn «Mońǵol», «Kelin» fılmderin shyǵarǵanbyz. Bul – saıasılanǵan lotereıa. Osy jyly qandaı fılm Oskar syılyǵyn ıelendi? «Lýnnyı svet». Al fılmniń ne jaıynda ekenin bilesizder me? Kógilder negrler týraly... Mine, Oskar komıetiniń porterti paıda boldy. Kann da, «Oskar» da saıasılanǵan. Saıasat pen ónerdi baılanystyrý durys emes», – dedi Narymbetov.

Kınosynshy Dmıtrıı Mostovoı «Anaǵa aparar jol» fılmine sholý jasaǵanda fılmniń joǵarǵy dárejede túsirilgenin jazǵan, alaıda Oskar syılyǵyna laıyq dep sanamaǵan.

«Menińshe, eshqandaı múmkindik joq. ıá, fılm Aqan Sataevtyń eń úzdik shyǵarmasy. Biraq Oskarǵa laıyq emes. Onyń ústine «Shet tildegi eń úzdik fılm» nomınasıasyn alý múmkindigi joq. Bul nomınasıa boıynsha kóbine ekzotıkalyq fılmder usynylady», – dep jazdy Mostovoı.

Sondaı-aq fılmniń zamanaýı emes ekenin eskerip, birinshi raýndta-aq qulaıtynyn aıtty.

Óz kezeginde akter, ári kınosyshy Kárim Qadyrbaev otandyq Oskar komıteniniń ár jyly  bir qatelikti qaıtalap jatqandaryn eskertti.