Kópke sabaq bolatyn áńgimeni Qamshy.kz aqparat agenttigi Caravan.kz-ke silteme jasap nazarlaryńyzǵa usynady. 

Bir jigit úılenipti... Otbasyly ómirdiń birinshi kúni  ózi, kelinshegi jáne anasy dastarxan basyna jınalady. Kúıeýi áıeline erekshe qurmet kórsetip úlken sándi kesede tamaqtyń eń dámdi jerin usynǵan. Al anasyna tamaqty qarapaıym kesede bergen. Osyny kórgen tekti ári dana kelinshek kúıeýine "Meniń talaǵymdy berińiz, sizben ajyrasamyn," - degen eken.

Kúıeýi súıip qosylǵan kelinsheginiń sheshimin ózgertýge tyrysqan. Alaıda áıeli kónbegen. Kúıeýi kelinshegiń mundaı sheshim qabyldaýynyń syryn bilgisi keldi. Sonda qelinshek "Bala qanyna tartady. Qalaı jazalasań, solaı jazalanasyń degen dana sóz bar. Men sizden bala tapqym kelmeıdi. Eger ortaq balamyz bolsa anańyzdy qorlaǵandaı men de erteń qorlanamyn ba dep qorqamyn" - depti.

Kelinshek ol jigitpen ajyrasyp, anasyna erekshe iltıpat, qurmet kórsetetin jigitke turmysqa shyqqan. Aradan biraz jyldar ótkennen keıin áıel kerýende túıeniń ústine qoıylǵan túımeshede, bala-shaǵasynyń janynda ketip bara jatsa, kerýenniń sońynda jaıaý kele jatqan bir shalǵa kózi túsedi...

Sonda áıel "Ana aqsaqaldy shaqyryńar", - dep balalaryna buıyrypty. Ol shal burynǵy kúıeýi eken... Áıel aqsaqalǵa qarap "Meni tanydyńyzba?" - dep surapty. Sonda shal "Joq", - dep jaýap bergen. Áıel "Men sizdiń burynǵy kelinshegińizbin. Sizge sol kezde "Qanyna tartpaı týmaıdy. Qalaı jazalasań, solaı jazalanasyń!" dep aıtpap pa edim?! Endi sózimniń rastyǵyna ózińizdiń de kózińiz jetti. Meniń balalarym qalaı qyzmet etip júr. Al sizdiń qartaıǵan kezde janyńyzdan tabylýy tıis bala-shaǵańyz qaıda?" - depti.

Áıel "saýap úshin myna aqsaqalǵa da qamqor bolyńdar", - dep balalaryna buıyrypty...