Fızıologıa jáne medısına salasyndaǵy 2017 jylǵy Nobel syılyǵy laýreattarynyń esimi belgili boldy, dep jazady Qamshy.kz aqparat agenttigi Rıa Novostı málimetine súıenip.
Olar – Djeffrı Hol, Maıkl Rozbash jáne Maıkl Iang. Mártebeli syılyq aǵzanyń «jasýshalyq saǵatyn» zerttep-zerdelegeni úshin amerıkalyq ǵalymdar tobyna buıyrǵan. Olardyń ashqan jańalyǵy adamdar, janýarlar men ósimdikterdiń táýliktik sıkldyń túrli kezeńderine qalaı beıimdeletinin túsindiredi.
Aıta ketken jón, osy aptada Nobel aptalyǵy bastaldy. Aldaǵy kúnderi fızıka, hımıa, ádebıet jáne beıbitshilik salasyndaǵy syılyq ıegerleriniń esimi jarıa etilýi tıis. Al saltanatty tabystaý rásimi 10 jeltoqsanda ótedi.
