Búkilálemdik boks keńesi (WBC) prezıdenti Maýrısıo Sýleıman WBC-nyń uıym chempıony Gennadıı Golovkın men meksıkalyq Saýl "Kanelo" Alvarestiń arasyndaǵy revansh tez arada ótkizilýi kerektigi týraly sheshim shyǵarǵanyn aıtty. Bul sheshimdi WBC basqarma keńesi shyǵarǵan, - dep habarlaıdy Qamshy.kz aqparat agenttigi Vesti.kz saıtyna silteme jasap.
WBC prezıdenti Maýrısıo Sýleıman men Vıtalıı Klıchko osy kúnderi Bakýde ótip jatqan 55-shi Keńes Konvensıasynda. © instagram.com/wbcboxing
Osynyń aldynda Sýleıman Gennadıı Golovkın men WBC belbeýiniń mindetti qarsylasy amerıkalyq Djermall Charlo arasyndaǵy kezdesýdiń máselesi qashan sheshiletinin aıtqan edi.
"Golovkın - "Kanelomen" kezdesý ótkizý úshin qıyn joldardy basyp ótti. Al Alvares bolsa bedeldi boksshy. Ol ekeýi sońǵy jyldardaǵy eń úzdik jekpe-jektiń birin ótkizdi. Kópshilik bul eki boksshy arasyndaǵy ekinshi kezdesýdi asyǵa kútip júrgeni belgili. Boksshylar da qaıta kezdesýge nıetti. Biz bul kezdesýdiń ótýine kedergi keltirmeımiz. Sársenbi kúni Charlo men Golovkınniń komandalarynyń usynystaryn tyńdap, barlyǵyna yńǵaıly sheshim qabyldaımyz. ", - dep keltiredi Sýleımannyń sózin BoxingScene portaly.
