Almaty qalasynyń qala qurylysy keńesi úsh kóp páterli turǵyn úı kesheniniń jáne bıznes ortalyǵynyń qurylysyn maquldady. Osy obektilerdi salý 74,8 mlrd. teńge kóleminde jeke ınvestısıalardy tartýdy qamtamasyz etedi, ıgerilmegen aýmaǵy boıynsha 9,9 ga, onyń ishinde 4,9 - kógaldandyrý. Paıdalanýǵa 188 myń metrlik turǵyn úı beriledi, onyń 2787-si avtoturaq jáne tórt orta bilim beretin mektep, dep habarlaıdy Qamshy.kz aqparat agenttigi.

Bostandyq aýdanynda «Seıfýllın» turǵyn úı kesheniniń qurylysy bastalady, ol 12-den 21 qabatqa deıingi 13 bloktan jáne 120 oryndyq balabaqshadan turady. Jobada jerasty avtoturaq bar, landshaftyq aýlalarmen usynylǵan. Qurylystyń josparlanǵan uzaqtyǵy – 25 aı. Kompanıanyń ázirleýshisi áleýmettik jaýapkershilik aıasynda 160 orynǵa arnalǵan balabaqsha salýdy jáne ony komýnaldyq menshikke berýdi mindettenedi.

Sátpaev pen Abaı dańǵyldarynyń arasynda Tilendıev kóshesiniń batysyna qaraı sol aımaqta 12 jáne 16 qabattan turatyn 19 úıden turatyn turǵyn úı kesheni salynady. Keshen aýmaǵy úsh aımaqqa bólingen, onyń ishine aýla, qoǵamdyq keńistik jáne 200 oryndyq qoljetimdi balabaqsha kiredi. Jobany iske asyrý merzimi - 36 aı.

Sonymen qatar, Bostandyq aýdanynda Ál-Farabı dańǵyly men Rozybakıeva kóshesiniń qıylysynda Park-ofıs jobasy iske asyrylatyn bolady. Ál-Farabı dańǵylynan joǵary bıik obektilerdiń qurylysyna tyıym salynǵan qala qurylysy talaptaryna sáıkes, ǵımarattyń bıiktigi jer deńgeıinen 12 metrden aspaıdy. Joba úsh bloktyń arasynda saıabaq alańymen baılanyskan kýrylysty kozdeıdı. Saıabaq ınfraqurylymy jazǵy kafe alańy, velosıped joldary, móldir qurylymdardyń kelissóz pavılondary jáne ofıstik ortaǵa biriktirilgen terrassalardy qamtıdy.

Áýezov aýdanyndaǵy №3 shaǵyn aýdanda tórt 9 jáne 12 qabatty úıden turatyn turǵyn úı kesheni paıda bolady. Keshende 2 deńgeıli jerasty parkıng pen 60 adamǵa arnalǵan balabaqsha bar. Qurylystyń uzaqtyǵy - 20 aı.

Jobalardy qaraý barysynda qurylysty salýshylardyń nazary kólikter turaǵynyń sanyna, ishki árleý jumystaryna sapaly materıaldardy paıdalanýǵa,túnde úılerdiń syrtyn jaryqtandyrýǵa, kishimobıldi toptarǵa jaǵdaı jasaýǵa, alańdardy jasyldandyrýǵa aýdaryldy.

Aıta keter bolsaq, 15 jylda «Nurly jer» baǵdarlamasy boıynsha 1,5 mıllıonǵa jýyq qoljetimdi turǵyn úı salý josparlanǵan. Baǵdarlamanyń negizgi maqsaty halyqqa turǵyn úıdiń qoljetimdiligin odan ári arttyrýdy qamtamasyz etetin turǵyn úı qurylysyn damytý máselelerin keshendi sheshý bolyp tabylady.

Baǵdarlama sondaı-aq jeke úı salýshylardy turǵyn úı qurylysyna yntalandyrýǵa baǵdarlanǵan. Ol úshin qoljetimdi kredıttik resýrstar engizý boljanyp otyr – memleket ekinshi deńgeıli bankterdiń jańa turǵyn úı salýǵa beretin nesıeleri boıynsha paıyzdyq mólsherlemeniń bir bóligin sýbsıdıalaıdy. 2017 jylǵa arnalǵan respýblıkalyq búdjette 11 mlrd teńge qarastyrylǵan, olar 157 mlrd teńge somaǵa úı salýshylardyń banktik nesıelerin sýbsıdıalaýǵa múmkindik beredi. Ulttyq ekonomıka mınıstrliginiń baǵalaýynsha, bul qosymsha shamamen 600 myń sharshy metr turǵyn úı qurylysyn qarjylandyrýǵa múmkindik beredi. Olardyń jartysy Turǵynúıqurylysjınaqbanki salymshylaryna usynylady.

Baǵdarlamada Turǵynúıqurylysjınaqbanki salymshylary men ákimdikterde kezekte turǵandar úshin «jańartpaly» qaǵıda boıynsha nesıelik turǵyn úı qurylysy kólemin arttyrý kózdelgen.

Budan ózge, memlekettik baǵdarlama aıasynda halyqtyń áldeqaıda áleýmettik álsiz toptaryna arnalǵan satyp alýsyz jaldamaly turǵyn úıdiń óńirlik qory qurylady.

«Nurly jer» baǵdarlamasy ár qazaqstandyqqa 10 sotyq jer bólý týraly máseleni sheshedi.