Soltústik aınalma joly kóshesinde, Almatydaǵy baraholkanyń tusynda birneshe jerden jaraqat alǵan er adam tabyldy, dep jazady Qamshy.kz aqparat agenttigi patrul.kz málimetine súıenip.
Er adam joldyń jıeginde jatqan. Onyń qoly men keýdesinen aqqan qanǵa qarap, birneshe jerden pyshaqtalǵany kórinip turǵan. Sondyqtan kýágerler jedel járdemmen qosa polısıany da shaqyrǵan.
Oqıǵa ornyna kelgen medısına qyzmetkerleri birden zardap shekken 46 jastaǵy er adamdy jaqyn mańdaǵy aýrýhanaǵa jetkizgen. Al polısıa ókilderi oqıǵa ornyn teksere bastady.
Oqıǵanyń vıdeosy Patrul.kz saıtynda jarıalandy.
