Bıyl magıstratýraǵa grantqa tústim. Biraq kún saıyn ózime ózim suraq qoıamyn: «Osy magıstratýra ne beredi maǵan?». Jaýap joq. Ázirge sol bakalavrdi qaıtalaý, jalpy meniń túsinigimde magıstratýra degenniń ózi 4 jyldyq bakalavrdi 2 jylda qaıtalaý. Boldy! Keı jandar sol magıstratýrany on kúndik shetelge barý úshin oqyp jatyr, olardyń arasynda qyzdar kóp. Al keıbiri mansap jolynda órleý úshin magıstrlik dıplom kerek deıdi. Ár adamnyń maqsaty ár túrli. Ol da durys shyǵar! Biraq maǵan bir unamaıtyny magıstratýrada týra bakalavrdegideı sabaq berý formasynyń bolýy.
Sýbektıvti kózqarasty eskermeý, sol bakalavrdegi sabaqtar, tereńdiktiń azdyǵy, shákirt pen ustaz arasyndaǵy dıalogtiń jetispeýshiligi. Mysaly jalpyǵa ortaq psıhologıa degen pán bar. Ony bakalavrde de, magıstratýrada da oqıdy. Bakalavrde oqyǵan túısik, zeıin, oı degenderdi magıstratýrada da malta qurtsha ezip otyrmyz. Ustazdarǵa «adam psıhologıasyn qalaı anyqtaýǵa bolady, tobyr sanasyn bıleý jáne t.b úıretińiz», ― desem, «baǵdarlamadan aýytqýǵa bolmaıdy», ― deıdi. «Túısik pen zeıinniń erejesin bilgennen meniń ómirime paıda bar ma?», ― degen suraqty qoıyp kelem ózime. Paıda joq qoı naq! Jalpy kóp jerde osy.
Damyǵan batys elderinde magıstratýraǵa úlken daıyndyqpen barady. 30 jasta, 35 jasta. Olar shynaıy bilim alýǵa degen nıetpen keledi. Jáne sabaq berý formasy da kóp jerde ár stýdentke jeke jospar boıynsha. Bilýimshe memleket te ár stýdentke bilim deńgeıine qaramastan 300 myń taratyp jatpaǵan kórinedi. Bizge biraz ózgeris kerek sıaqty.
