Qytaıdyń Úrimji qalasynda turatyn ónertapqysh qazaq jastary bala tárbıesinde taptyrmas quralǵa aınalar «Bala-bala» atty jańa oıynshyqty jasap shyǵardy. Bul oıynshyqtyń ereksheligi sol – qurylǵy taza qazaqy tilde balańyzǵa áńgimeler, án men kúı, ertegi aıtyp bermek. 

Demek balańyz birden ózine unaǵan áńgimeni nemese ertegini qaıta-qaıta tyńdaý arqyly ony jattap alady. Tipti tili jańa shyǵyp jatqan balalardyń durys qalyptasýyna, oı-óresiniń tolyq jetilýine bul oıynshyqtyń tıgizer paıdasy orasan bolmaq, – deıdi joba avtorlary.

Mellat Seıfollauly, joba jetekshisi:

– Qazir bárimiz qalalyq bop baramyz, ony jasyrýdyń qajeti joq. Bizdiń balalarymyzǵa ertegi aıtyp, áńgime oqyp berýge, án saldyrýǵa ýaqytymyz da joq, jumysymyzdyń yńǵaıy da kelmeıdi. Sonda da olardy ulttyq tamyrdan ajyratyp alýǵa bolmaıdy. Biz osy maqsatty kózdep, qazaq balasy kúni boıyna teledıdarǵa úńilip, ondaǵy nebir qýlyq pen sumdyqty talǵaýsyz óz boıyna qabyldaı bermesi úshin baldyrǵandardyń boıyna ulttyq rýhanı qorǵanysh ımýnıtetin qalyptastyrýdy kózdeıtin oıynshyqty jasadyq. Elge unap, kádege asyp jatsa, qazaqtyń oǵlan uldary osyndaı tálimge terbelip ósse maqsatymyzǵa jetkenimiz. Án-ertekpen aıtylatyn tálimi, Ony tyńdar bolashaqtyń ǵalymy. Ár sábıdiń qoldarynda bolsa eken, Adyrnanyń «bala-bala» dabyly, – demekshi, ulttyq qundylyqtarymyzdy ulyqtaıtyn, baldyrǵandar úshin arnaıy ázirlengen jańa tartý «bala-bala» dabyly ult muratyn shyńdaıtyn bolashaq ǵalymdardyń aqyl-oıynyń erte jetilýine kómegi zor. Áńgime, balalar áni, ertegi qatarly mazmundarmen ósken urpaq árqashan ult múddesin ózine ustyn etpek. Áne solar naǵyz ult janashyry, kemeńger oıshyldardan sanalmaq. Bul retki baldyrǵandarǵa arnaıy ázirlengen dabyl zalasyz materıaldarmen qurastyrylyp, qurylymy jaǵynan memlekettik ólshemge saıma-saı. Jańa zamanaýı tehnologıalyq ónim satylymǵa shyqty. "Alash aınasy"