Qazaqstanda alıment tólemegen ákelerdi júrgizýshi kýáliginen aıyrý týraly sheshim shyqty. Bul týraly Qamshy.kz aqparat agenttigi Kýrsıv saıtyna silteme bere otyryp jazady.

Respýblıkalyq ákeler forýmynda sóz sóılegen QR Otbasy jáne áıelder isteri jónindegi ulttyq komısıasy tóraǵasynyń orynbasary Elena Tarasenko  búgin elimizde jalpy boryshkerler tiziminde turǵan er azamattarǵa qarsy shekteý sharalary iske asyryp jatqandyǵy jóninde aıtty.

«Sheshimde mynadaı shekteýler qoıylady:  lısenzıa berilmeıdi  jáne toqtatylady, erekshe quqyqtarynan aıyrylý, elektrondy saýdada múlikti realızasıalaýdy boldyrmaý. Oǵan qosa júrgizýshi kýálikterin toqtatý»,-dedi Elena Tarasenko.

Tarasenko málimdemegsine súıensek, sońǵy eki jylda 14,5 myń boryshker óz mindetterin óteý úshin jumyspen qamtylǵan. Al jalǵyzbasty analar alıment tóleýge tıisti ákeler jóninde aqparat jınamaıtyn bolady.

Elena Tarasenkonyń aıtýynsha, respýblıkamyzda ajyrasý tendensıasy joǵary jáne nekesiz týylǵan balalardyń sany kóbeıýde.