AQSH prezıdenti Donald Tramp Nıgerde qaıtys bolǵan sarbazdyń jesirin ótirik aıtyp otyr dep aıyptady. Bul jaıynda CNN habarlaıdy.

«Men Devıd Djonsonnyń jesiri aramyzda  mańyzdy áńgime  boldy. Men serjanttyń esimin basynan bastap durys aıttym» dep málimdedi Tramp óziniń Twitter paraqshasynda.

Biraz ýaqyt buryn Devıd Djonsonnyń áıeli Good Morning America atalatyn tańǵy baǵdarlamaǵa kelip: «Prezıdent maǵan kóńil aıtyp habarlasqanda qaıtys bolǵan kúıeýimniń esimin qate aıtty. Bálkim aldynda qalyń qujattar jatqannan bolar» dep aıtty.

«Men onyń dórekiliginen jylap jiberdim» dep aıtyp ótti Djonson.

 Prezıdent 17-shi qazanda Devıd Djonsonnyń áıeline habarlasyp, kóńil aıtqan. «Ol óziniń nege bara jatqanyn bildi. Sonda da, atalmysh oqıǵa oryn alǵanda janyń aýyrady» dep aıtty AQSH prezıdenti.

Aıta ketsek, Devıd Djonson 5-shi qazanda qaıtys boldy. Nıger men Malıde qozǵalýshy Al-Kaıda terorıstik tobynyń sodyrlary sarbazdarǵa shabýyl jasaǵan. Atys kezinde Nıgera áskeriniń 5 sarbazy kóz jumǵan.