Qoǵamda daý týdyrǵan Perm turǵyny Alekseı Bessonovtyń jelige taraǵan vıdeosyn QR ulttyq qaýipsizdik qyzmeti tekseriske aldy,-dep Qamshy.kz aqparat agenttigi Tengrinews.kz-ke silteme bere otyryp jazady. Bessonov shý týdyrǵan beıne jazbasynda «Qazaqstanǵa reseılik áskerdi kirgizý kerek» dep málimdegen bolatyn.
«Alekseı Bessonovtyń vıdeo joldamasy UQK tirkeýine alynyp, qazirgi ýaqytta tekseris amaldary júrgizilip jatyr»,-dedi mekeme qyzmetkerleri.
Eske sala keteıik, Bessonovtyń vıdeosy qazaqstandyqtardyń júıkesine tıip, qoǵamda úlken daý týdyrǵan edi. Sondyqtan, Qazaqstan azamattary jaǵymsyz nárseler aıtqan orys blogerin zań aldynda jaýapqa tartýdy suraǵan.
