Aqtóbede 42 jastaǵy Irına Shmıdt zorlyqshylardan qashamyn dep 2-qabattan sekirgen, sonyń saldarynan omyrtqasy synyp, múgedek bolyp qaldy.  Bul týraly "Aktobe Taıms" jazady.

2 balasymen (5 jáne 10 jas) jumyssyz qalǵan ol dalada qalǵan.

21 shildede áıel jumystaǵy korporatıvten qaıtyp bara jatqan Ira joldy qysqartyp kesip ótpek bolyp, temirjol jaqtaǵy úılermen júrmekshi bolady. Jolda kele jatyp eki mas, ishimdik iship otyrǵan erekekti kóredi. Olar Iraǵa boǵaýyz sóz aıtyp, ony balaǵattaǵan kórinedi. «Maǵan olardyń sózderi qatty tıip ketti de, men olarǵa jaýap berdim»-deıdi ol. Er adamdardyń biri ornynan atyp turyp, oǵan júgire jónelgen. Basynan aýyr zatpen uryp Irınany esinen tandyrǵan.

«Aýzymdy jaýyp, páterlerine alyp bardy. Olar maǵan: Biz seni zorlaımyz da, óltiremiz. Eshkim seni izdemeıdi de, myna páterdi jalǵa aldyq»-dedi. Sol kezde áıel qatty shoshynyp qalyp, ekeýi bir-birimen sóılesip turǵan sátti paıdalanyp, terezeden sekirip ketken.

Ekinshi qabattan qulaǵan Irına qatty zardap shekken. Terezeden ony basqa páterdegi adamdar kórip qalyp, jedel járdem shaqyrǵan. Áıeldiń bel omyrtqasy synyp, qoly men taǵy birneshe jeri jaraqattanǵan.

Quqyq qorǵaý organdary qylmystyq is qozǵaǵan. Aıyptalýshylardyń biri tergeý ızolátorynda, al ekinshisi qashyp ketken.

Irına bolsa, úı-kúı joq, jumyssyz qalǵan. Qazir ózin tanymaıtyn qaıyrymdy apanyń úıinde turyp jatyr. Ony múgedek bolyp qalǵan soń, balalaryn  sot tartyp ala ma degen qorqynysh alańdatady.