Nurlan Saýranbaev Shymkent qalalyq máslıhatynyń XXIII sesıasyna qatysty

    Aigerim Taubay
    Nurlan Saýranbaev Shymkent qalalyq máslıhatynyń XXIII sesıasyna qatysty

    Shymkentte Shymkent qalalyq máslıhatynyń kezekten tys XXIII sesıasy ótti. Depýtat Erbolat Nurmahanov tóraǵalyq etken sesıa jumysynda eki másele qaraldydep habarlaıdy Qamshy.kz aqparat agenttigi. 

    Qala ákiminiń orynbasary Gúljan Qurmanbekova 2017-2019 jyldarǵa arnalǵan Shymkent qalasynyń búdjetin naqtylaý máselesi boıynsha baıandama jasady.

    Gúljan Qurmanbekovanyń aıtýynsha, qala búdjetiniń kólemi 4 mlrd 110,8 mln teńgege ulǵaıtylyp, jalpy 131 mlrd 232,7 mln teńgege jetip otyr. Al atalǵan ózgerister turaqty komısıalarda talqylanǵan.

    Aıta ketsek, respýblıkalyq búdjetten bólingen transfertter boıynsha bilim, qurylys, turǵyn úı-kommýnaldyq sharýashylyq bólimderine, ınjenerlik-kommýnıkasıalyq jobalar boıynsha qosymsha qarjy qaralýda.

    Sondaı-aq, oblystyq búdjet transfertteri 408,9 mln teńgege artqan. Negizinen, turǵyn úı-kommýnaldyq sharýashylyq, jolaýshylar kóligi jáne avtomobıl joldary, bilim bólimine qosymsha qarjy qaralyp otyr.

    Jıynda №22 okrýgten saılanǵan qalalyq máslıhattyń depýtaty Ramazan Seıdahmetuly Bekturǵanov turaqty komısıa músheligine saılandy.  

    Sonymen qatar , qala ákimi Nurlan Saýranbaev máslıhattyń sesıasyna alǵash ret qatysty. Jıynda sóz alǵan shahar basshysy qalanyń damýyna  alda birlese jumys isteıtinine senim bildirdi.

    Qatysty Maqalalar